آیت الله «میرزا صادق آقا مجتهد تبریزی»
یازار : میرزه عبدالصمد ملکی | بؤلوم : دین
+0 به یه ن
آیت الله «میرزا صادق آقا مجتهد تبریزی»
برژینسكی: آمریكانین دنیایا اولان سلطه‌سی باشا چاتیب
یازار : میرزه عبدالصمد ملکی | بؤلوم : خبرلر
+0 به یه ن
برژینسكی: آمریكانین دنیایا اولان سلطه‌سی باشا چاتیب
آمریكانین ملّی امنیتی‌نین كئچمیش مشاوری «زیبیگنیو برژینسكی»، آمریكانین جان هابكینز دانشگاهیندا دانیشیقدا دئییب آمریكانین سویوق ساواشدان سونرا دنیایا اولان 23 ایللیك سلطه‌سی باشا چاتیب.
آمریكانین بو كئچمیش مقامی، آمریكانی سون ایللرده اولدوغو محورلیگینی‌نین بؤیوك قسمی‌نین الدن وئردیگینی دئییب آرتیردی: امكانی یوخدو آمریكا بو سالونداكی انسانلارین عمری بؤیویوندا اؤزونه دنیا سلطه‌چیسی كیمی یئر تاپا.
اوّل‌لر جیمی كارترین مشاوری اولان برژنسكی دئدی: آمریكا هر زمانكیندان داها مركّب اولان مدرن دنیا ایله یولا گلمه‌لیدیر.
آجی بیبر و سویوق هوا ایله ضررلی یاغلارین دؤیوشونه گئدین
یازار : میرزه عبدالصمد ملکی | بؤلوم : ساغلاملیق
+0 به یه ن
آجی بیبر و سویوق هوا ایله ضررلی یاغلارین دؤیوشونه گئدین
آجی بیبرده اولان شیمیایی تركیبلر مصرفیندن سونرا سویوق هوانین معرضینده اولماق، بندنده قهوه‌ای یاغلی سلول‌لارین فعالیّتینی چوخالدیر. بو نوع یاغ، انرژینی آغ یاغلی سلول‌لار شكلینده ذخیره ائتمك یئرینه، یاندیریر.
ژاپنلی محققلرین دئدیگینه گؤره، بو تحقیقده بدنده‌كی قهوه‌ای یاغلی سلول‌لارین نئجه چالیشماغا مجبور ائتمگی و یا بو قهوه‌ای یاغی اولمایانلاردا اونون نئجه دوزلمه‌سی گؤستریلیب.
بو مطالعه‌ده عالم‌لر اوّلده بدنلرینده قهوه‌ای یاغلاری آز اولان سككیز نفری گونده ایكی ساعت 17 درجه سانتی‌گراد هوادا ساخلادیلار. كننترل گروهو دا همان مدّتی معمولی هوادا اولدولار.
نتیجه‌لر، سویوق هوادا اولانلارین یاغ ذخیره‌سی‌نین یوزده بئش آزالماسینی گؤستردی. اونلار سویوق هوادا اولاندا داها چوخ انرژی مصرف ائلیرمیشلر.
لایوسانسین وئردیگی خبره گؤره، بو متخصص‌لر هابئله بیلدیلر كی آلتی هفته بویو آجی بیبر یئییب عینی زماندا سویوق هوا معرضینده اولانلار داها چوخ انرژی یاندیریرلار و بدنلرینده اولان آغ یاغلی سلول ذخیره‌لری آزالیر.
دنیانین اَن سوادلی اؤلكه‌لری هانسی‌لاردی؟
یازار : میرزه عبدالصمد ملکی | بؤلوم : اجتماعی
+0 به یه ن
دنیانین اَن سوادلی اؤلكه‌لری هانسی‌لاردی؟
توسعه و همكارلیق سازمانی‌نین (OECD) وئردیگی سیاهی‌یا گؤره روسیه توسعه تاپمیش اؤلكه‌لرین ایچینده اَن سوادلی جمعیّته مالكدیر. 2011-جی ایله قدر روسلارین 53.5 درصدی‌نین كالج مدركی وار. بو سازمانین سیاهی‌سینا گؤره دنیانین اَن سوادلی اون اؤلكه‌سی بونلاردیر:
روسیه: 2011-جی ایلینده 64-25 یاش آراسی جمعیتین یاریسیندان چوخو كالج سطحینده و یوزده 95 –ی متوسطه مدركلری واریدی.
كانادا: 2011-جی ایلینده هر دؤرد كانادالیدان بیری فنی حرفه مهارتی دؤره‌سی گؤرموشدو.
ژاپن: ژاپنلی‌لارین یوزده 46.4-ی‌نین كالج تحصیلاتی وار. و یوزده 23-و عالی تحصیلات آلیبلار.
آمریكا: بو اؤلكه جمعیتی‌نین یوزده 42.5-ی‌نین كالج تحصیلاتی وار.
جنوبی كره: كره‌لی‌لر درسی قورتاراداندان سونرا آیری اؤلكه‌لره نسبت داها راحت ایش تاپا بیلیرلر. بو اؤلكه‌ده لیسانس آلانلارین فقط 2.6 درصدی ایشسیز قالیبلار. بو اؤلكه جماعتی‌نین یوزده 40.4-نین كالج تحصیلاتلاری وار.
بریتانیا: بو اؤلكه جماعتی‌نین یوزده 39.4-نون كالج حدّینده تحصیلاتلاری وار.
نیوزلند: نیوزلندلی‌لرین چوخو متوسطه دؤره‌سیندن سونرا تكنیكی و فنّی مهارتلری كسب ائلیرلر. بو اؤلكه جماعتی‌نین یوزده 39.3-نون بئله تحصیلاتی وار. نیوزلند بودجه‌سی‌نین یوزده 21.2-سی تحصیلاتا صرف اولور.
فنلاند: بو اؤلكه جماعتی‌نین یوزده 39.3-نون كالج حدّینده تحصیلاتی وار.
استرالیا: بو اؤلكه جماعتی‌نین یوزده 38.3-نون كالج حدّینده تحصیلاتلاری وار.
غدیر بایرامی عمل‌لری/ قارداشلیق عقدی
یازار : میرزه عبدالصمد ملکی | بؤلوم : دین
+0 به یه ن
قارداشلیق عقدی، جامعه‌ده‌كی رابطه‌لری گوجلندیرمك اوچون، اسلامین بؤیوك ابتكارلاری‌نین بیری و غدیر بایرامی گونونون مخصوص عمل‌لریندندیر. اسلام پیغمبری (ص) ایكی خاص زماندا هجرتدن اوّل و هجرتدن سونرا مسلمانلارین انسجامینی ساخلاماق اوچون، مسلمانلار آراسیندا قارداشلیق علاقه‌سی یاراتدی و بوتون مسلمانلاری ایكی ایكی بیری بیری ایله قارداش ائله‌دی. پیغمبرین (ص) معیاری مسلمانلارین هر بیری‌نین قارداشینی معیّن ائتمكده، اونلارین خصلتلری‌نین متناسب اولماسی و ایمان درجه‌لری‌نین یاخینلیغی ایدی.
غدیر سؤزو «گؤل» و «یاغیش سویو ییغیشان یئر» آنلامیندادیر. خُمّ غدیری مكه و مدینه شهرلری آراسیندا و «جُحفه» آدلی بیر یئرده‌دیر. اسلام پیغمبری (ص) حجة الوداع حجّینده ذی الحجه‌نین 18-ینده، الله-ین امری اینن اوزون بیر خطبه‌دن سونرا حضرت علی بن ابی طالبی (ع) اؤز وصی‌سی و خلیفه‌سی كیمی جماعته تانیتدیردی.
اسلام پیغمبری (ص) غدیر گونو بیر ساعتلیق خطبه‌دن سونرا «من هر كیمین آغاسی‌یام، علی‌ده اونون آغاسیدیر» سؤزونو اوچ دفعه تكرار بویوردو كی مسلمانلارین و تاریخین قولاغیندا قالسین. حضرت بو گونو بایرام آدلاندیریب مراسمینی یئرینه گتیردی. چادیریندا اَیلَشیب تبریك دئیَنلردن قارشیلادی.
امیرالمؤمنین(ع) و آیری مطهّر اماملار دا (ع) بو گونو عزیز ساییب اونون اوچون عمل‌لر و فضیلتلر ساییبلار:
1. اوروج توتماق كی 60 ایل گناهین كفاره‌سی ساییلیر.
2. غسل ائتمك.
3. امیر المؤمنین (ع) زیارتینی اوخوماق.
4. ایكی ركعت نماز قیلماق.
5. بو گون ندبه دعاسینی اوخوماغا تأكید اولوب.
6. دین قارداشلارینی گؤرنده بو دعانی اوخوماق: الحمدالله الذی جعلنا من المتمسكین بولایه امیرالمومنین و الائمه علیهم السلام.
هابئله بوگونده گؤزل و تمیز پالتارلار گئیینمك، انسانلاری سئویندیرمك، اونلاری باغیشلاماق، صله رحم، پای وئرمك، جماعتین مشكل‌لرینی حل ائتمك، مؤمنلر و دوستلارلا گؤروشمك و پیغمبره (ص) صلوات گؤندرمگه تأكید اولوب.
قارداشلیق عقدینی اوخوماق
قارداشلیق عقدی‌نین اوخونماسی غدیر بایرامی گونونده تأكید اولسا دا بو گونه مخصوص دئییل و ایلین بوتون گونلرینده اونو اوخوماق اولار. بو عقدی هر دیل و سؤزله جدّی اولماق شرطی ایله اوخوماق اولار. آما معمول رسمی بئله‌دیر: انسان الینی دوستونون ساغ الینه وئره و دئیه:
واخیتك فی الله و صافیتك الله فی الله و عاهدت الله و ملائكته وكتبه و رسله و انبیائه و الائمة المعصومین علیهم السلام علی انی ان كنت من اهل الجنة و الشفاعة و اذن لی بان ادخل الجنة لا ادخلها الا و انت معی
سونرا دوست دئیه: قَبلت. سونرا او دئیه: اسقطت عنك جمیع حقوق الاخوة ما خلا الشفاعة و الدعاء و الزیارة.
بئله‌لیكله اونلار ایكیسی معنوی قارداش اولاجاقلار.
عقد صیغه‌سی‌نین متنینده گلدیگی كیمی بو قارداشلیغین اقتضاسی، فقط مقابل طرفی زیارت، دعا و شفاعتده شریك ائله‌مكدیر.
قارداشلیق عقدی اخلاقی بیر تعهّددیر بونا گؤره ایكی طرفین توافقی ایله لغو اولا بیلر و اونون لغوینه مخصوص صیغه یوخدور.
قارداشلیق عقدینده ارث، مَحرملیك و . . . كیمی فقهی احكام یوخدور. یعنی مثلاً ایكی نفر معنوی قارداش اولاندا بیری بیرلریندن ارث آپارمازلار و باجیلاری بیری بیرینه مَحرم اولماز و هابئله بو عقد آغا و خانیم آراسیندا اوخونماز.