سویو تجزیه ائتمگه تازا یول تاپیلدی
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
كالیفورنیا تكنولوژی مؤسیسه‌سی‌نین عالیملری سویو اكسیژن و هیدروژئنه بؤلمك اوچون تازا مكانیزم تاپیبلار. ساینسین وئردیگی معلوماتا گؤره, ایندیه‌دك سویو تجزیه ائله‌مك یوللاری چوخ بوروشوق ایدی و بعضی جانیبی محصول‌لارین تولیدینه مونجر اولوردو, اوندان علاوه بو یوللارین بعضیسی زهرلیدی و موحیط زیستی آلوده ائدیردی. تازا یول ساده و ال‌وئریشلیدیر و اونون اَن موهوم مزیّتی بودور كی آشاغی دمادا انجام تاپیر. دئمك اولار كی هیدروژئن یاشاییش و صنعتین بوتون شاخه‌لرینده, قره نفتدن گوگوردو آییرماقدان توتدو مصنوعی ویتامینلر دوزلتماقدا ایشله‌نیر. عالیملر بئله اینانیرلار كی چوخ یاخین گله‌جكده اینسانین یاناجاغی هیدروژئندن تأمین اولاجاق نیه كی شیمیایی مادّه‌لر بو یولونان یاناندا گولخانا گازی تولید ائله‌میرلر. اوندان داها موهوم بو كی یئرین دؤردن اوچو سودور و اینسان بو منبعه ال تاپماقدا موشكولو اولمایاجاق. | ||
آللاهدان غیرینه آند ایچمك شیرك ساییلماز
یازار : میرزه عبدالصمد ملکی | بؤلوم : دین
+0 به یه ن
|
|
||
|
شیعه تقلید مرجعی دئدی: آللاهدان سووای آیری موجوداتا دا آند ایچمك اولار. بیر حالداكی وهابیلر بو عقیده‌نی شیرك ساییرلار و اونلارین بو فیكرلری قورآنین و اوندا اولان آندلارین خیلافینادیر. مهر خبرنیگاری گوزاریشینه گؤره, آیت الله العظمی جعفر سبحانی «قم» شهرینده حجتیه مدرسه‌سینده قورآن تفسیرینده «تین» سوره‌سی‌نین تفسیری ضیمنینده دئدی: آللاه بو سوره‌ده و اونون بیرینجی آیه‌سینده انجیره آند ایچیر كی بو میوه‌نین اهمیتینی گؤرسه‌دیر. او ایدامه وئردی: بعضی موفسیرلر بو ایكی كلمه‌نی میوه حئسابلامیرلار و بئله بیلیرلر كی آللاهین منظوری سینا چؤلونده ایكی موقدس تین و زیتون داغلاریدیر. قمین علمیه حوزه‌سی‌نین اوستادی طور سینایا آند ایچماغا ایشاره ائدیب دئدی: هابئله بو سوره‌ده موقدس طور سینایا آند اولور كی بو داغدا تورات حضرت موسی‌یه (ع) نازیل اولدو. او بو سوره‌نین موختلیف آیه‌لرینه ایشاره ائله‌مكله بویوردو: بو آیه‌لر گؤرسه‌دیر كی آللاهدان غیرینه‌ده آند ایچمك اولار , بیر حالداكی وهابیلر بو ایشی شیرك ساییرلار و اونلارین بو فیكرلری قورآنین و اوندا اولان آندلارین خیلافینادیر. آیت‌الله العظمی سبحانی قورآن سوره‌لرینده آنددان مقصده ایشاره ائدیب آرتیردی: تین و زیتون كیمی بعضی آندلار او ماده و یا شخصین اهمیتینه ایشاره ائدیر و بعضی آندلار دا بیر شئیین و یا یئرین موقدس اولماسینا نیشانه‌دیر مثلاً بلد امین و یا همان مكه. بو قورآن موفسیری تأكید ائله‌دی: بلد امین یا مكه موقدس بیر یئردیر كی اونون تقدوسی تشریعی و قانونی‌دیر و ائله بونا خاطیر اورا پناه آپارمیش موجریمی اؤلدورمك اولماز. | ||
جنوب قوطبوندا قدیمی جنگل‌لر
یازار : میرزه عبدالصمد ملکی | بؤلوم : عمومی
+0 به یه ن
|
|
||
|
جام جم آنلاین: تحقیقلر گؤرسه‌دیر كی تقریباً 15 میلیون ایل بوندان قاباق, سابیقه‌سیز ایستی كئچیجی صورتده جنوب قوطبونا اثر قویدو. هاوانین بو حدده قیزیشماسی جنوب قوطبون یاشیل سیماسینی دگیشدی. جنوب قوطبونداكی بوز لایه‌لری تقریباً 34 میلیون ایل بوندان قاباق دوزلیبلر, آما یاواش یاواش هاوانین قیزیشماسی‌ایله بوگونكی نیوزلند و شیلی آدلانان یئرلر توندرا كیمی اولدولار. هاوانین قیزیشماسی جنوب قوطبوندا ساحیل و مخروطی آغاجلاری وجودا گتیردی. سارا فیاكینز بیر شیمی موتخصیصی‌دیر كی زمین شناسی‌نین موختلیف دؤره‌لرین وضعیتلرین تشریح ائله‌مك اوچون شیمی علمیندن و اونون موختلیف حیوانلار و بیتكیلر اوستونده‌كی تأثیریندن ایستیفاده ائلیر. بو موحقیق جنوبی كالیفورنیا دانیشگاهی‌نین تحقیق گروهونون رئیسی‌دیر كی اخیراً حیرت آمیز مدركلر تاپیب. راس آدیندا مساحتی 187 مین كیلومتر موربعدن چوخ اولان بوز لایه‌سی‌نین قالیقلاریندان چوخ میقداردا یاغلی یارپاقلار تاپیلیب. قالیقلار میوسن دؤره‌سینده, یعنی بیر دؤران كی هاوا نیسبتاً موعتدیل ایدی, جنوب قوطبوندن خاریج اولوب و نهایتده اوقیانوسا گئدیب. بو حادیثه 15-20 میلیون ایل قاباق اولوب. پروفوسور فیاكینز دئییر كی بو یارپاقلارین اؤزلریندن علاوه كی جنوب قوطبی ساحیللرینده چوخلی بیتكیلرین اولماسیندان خبر وئریر, بو قالیقلارین شیمیایی آنالیزی گؤرسه‌دیر كی او زمان هاوا, قاباقجادان گومان ائله‌دیگیمیزدن داها چوخ ایستی‌ایدی. بو تحقیقلرین نتیجه‌سی گؤرسه‌دیر كی میوسن دؤره‌سینده هاوا ایندی‌نین اورتامیندان 11 درجه چوخیدی. پروفوسور فیاكینز دئییر: بیز بیلیردیك كی میوسن دؤره‌سی ایستی بیر دؤره‌ایدی آما حیرت آمیزدیر كی ایندی بیلیریك بو قدر ایستیدی. یاغلی یارپاقلار كئچمیشین هاوا وضعیتین گؤرسه‌دیرلر. بیر گیاه اؤلنده اونون چوخ قیسمتلری تجزیه اولار. آما اونون موم شكلینده اولان قیسمتی و توز دانالاری كی بوردا ایصطیلاحاً یاغلی بخشی دئییریك, آرادان گئتمیرلر و مختلیف قالیقلاردا تورا دوشورلر و مولكول فوسیلی كیمی قالیرلار. | ||
اوروجلوغون اون‌بیرینجی گونون دعاسی*orucluğun onbirinci günün duası
یازار : میرزه عبدالصمد ملکی | بؤلوم : دین
+0 به یه ن
|
|
||
|
ائی آللاه احسان و یاخشیلیق ائتمگی بو گونده منه سئو‌دیر، و منده اَیریلیك و ایطاعت‌سیزلیكلره قارشی ایكراه یارات، غضب و آلوو‌لانان اودو منه حرام, ائت یاردیم ائتمگینه خاطیر، ائی كؤمك ایسته‌ینلرین دادینا چاتان!
اللهمّ حَبّبْ الیّ فیهِ الإحْسانَ وكَرّهْ الیّ فیهِ الفُسوقَ والعِصْیانَ وحَرّمْ علیّ فیهِ السّخَطَ والنّیرانَ بِعَوْنِكَ یا غیاثَ المُسْتغیثین.
| ||
اوروجلوغون اونونجو گونون دعاسی*orucluğun onuncu günün duası
یازار : میرزه عبدالصمد ملکی | بؤلوم : دین
+0 به یه ن
|
|
||
|
ائی آللاه منی بو آیدا سنه توكّول ائدنلردن ائت، و سنین یانیندا كاما چاتانلاردان و اوغور الده ائدنلردن ائت, و سنین درگاهینا یاخین اولانلاردان ائت، احسانینا خاطیر ائی آختارانلارین مقصدی!
اللهمّ اجْعلنی فیهِ من المُتوكّلین علیكَ واجْعلنی فیهِ من الفائِزینَ لَدَیْكَ واجْعلنی فیهِ من المُقَرّبینَ الیكَ بإحْسانِكَ یاغایَةَ الطّالِبین.
| ||
