ایسلام ضیدینه اولان بو حركتلر, دونیا اهلی‌نین موسلمان اولماسی‌نین قاباغین آلماغا گؤره‌دیر
یازار : میرزه عبدالصمد ملکی | بؤلوم : دین
+0 به یه ن
 |
||
|
غربلیلرین ایسلاملا موباریزه‌سی بونا خاطیردیر كی همیشه نیگراندیلار مسیحی و یهودیلر ایسلاما اوز گتیرسینلر و ایسلام ضیدینه اولان بو حركتلر, دونیا اهلی‌نین موسلمان اولماسی‌نین قاباغین آلماغا گؤره‌دیر. غرب دونیاسی‌نین ایسلاملا موباریزه‌سی, فیكری نظردن قرنلر قاباغا قاییدیر و ریشه‌سی یهودیتله مسیحیتین ایسلاملا ضیدّیتینه یئتیشیر. حقیقتده بو ضیدیت بو نیگرانچیلیقدان چیخیر كی اولمایا یهودیلر و مسیحیلر موسلمان اولسونلار. توهین ائدن فیلیمده بو مسأله اساس هدف توتولوب. بونلارین ایشلتدیكلری یول ایسلامین تاریخ و مفهوملارینی تحریف ائله‌مكدیر و بو یولدا, تاریخ بویو چالیشیبلار كی ایسلامی خشین و شمشیرله یاییلمیش دین تانیتدیرسینلار و بئله ایلقا ائده‌لر كی ایسلامی تعلیمات موسلمانلاری غیری اینسانی حركتلره وادار ائدیر و ائله بو فیلیمده ایستیر ایلقا ائله‌سین كی موسلمانچیلیق خشونت و غیری اینسانی رفتار صاحیبی اولماق دئمكدیر. هرچند كی غربین موستشریقلر و ایسلام شیناسلاری چالیشیبلار كی بیر سئری ایسلامی مفهوملاری تحریف ائله‌سینلر و غیری موناسیب صورتده ایرائه وئرسینلر و میثال اوچون ایسلامدا اولان جهاد مفهومونو منفی تفسیر ائله‌سینلر. آما هر زمان كی موسلمان عالیملرین یازیلاری اونلارین یازیلاری‌نین كناریندا قویولدو ایدعالاری‌نین فایداسیز و بوش اولدوغو بللی اولدو. اونلار همیشه چالیشیبلار پیغمبر اكرمین (ص) شخصیتینه حمله ائله‌سینلر و موبارك وجودی رحمةللعالمین اولان او حضرته, اهانت ائدیب تاریخ و سیره‌سینی تحریف ائله‌سینلر. بو فیلمده‌ده بو ایش لاپ كیفیر صورتده و اینسانی و ایسلامی معیارلاردان كنار, مطرح اولوب. ائله كی بو فیلمده پیغمبره (ص) نیسبت وئریلمیش عمللر هئچ كرامتلی اینسانا یاراشان دئییل. غرب چالیشیر ایسلام مفهوملاری و تاریخینی منفی گؤرستمكله اؤز خیالینا خالیص ایسلامین دوشونجه‌سی‌نین یاییلماسی‌نین قاباغین آلسین. بو چالیشمالار ایندی چوخ آیدین آشكار گؤرونور و اگر بوندان قاباق شیطانی آیه‌لر كیتابی لفّافه‌سینده پیغمبره بو نیسبت وئریلیردی كی نعوذ بالله او حضرت وحی آلاندا شیطانین‌دا تلقینلرین آلیردی, ایندی ایش او یئره یئتیشیب كی آشكار صورنده او حضرته لاپ كیفیر نیسبتلر نیسبت وئریلیر. | ||
ائولنمكدن قاباق تردید اولسا بوشانماق احتیمالی چوخالار
یازار : میرزه عبدالصمد ملکی | بؤلوم : اجتماعی
+0 به یه ن
|
|
||
|
تازا بیر تحقیق گؤرسدیر كی خانیملار ائولنمكدن قاباق, آغالاری ایله ائولنمكده تردید ائله‌سه‌لر, ایمكانی وار گله‌جكده اونلارلا ایختیلافلاری چیخا. لایو ساینسین دئدیگینه گؤره بو تحقیق ائدن آمریكالی موحقیقلر دئییرلر كی جماعت بئله اینانیر كی اولا بیلر كی هر بیر كس ائولنمكدن قاباق تردید ائله‌سین و بو نیگرانچیلیغا سبب اولا بیلمز. آما بو موحقیقلرین تحقیقی گؤرسدیر كی بو جور تردیدلر راییج‌ده اولسا عاقیبتلری حتماً خوش اولمور. بو تحقیقده بللی اولدو كی ائولنمكدن قاباق تردیدلری اولان خانیملارین بوشانما احتیمالی آیریلارینا نیسبت 2.5 برابر ایدی. هابئله ائولنمكدن قاباق تردیدلری اولان ار-آروادلار كی 4 ایل سونرا هله‌ده موشترك یاشاییشلارینا ایدامه وئریردیلر, یاشاییشلاریندان ریضایتلری تردیدسیز جوتلوقلاردان چوخ-چوخ آز ایدی. بو موحقیقلر لوس آنجلسده 222 جوتلوغو ائولنمگین اوّل آیلاریندا و سونرا آلتی آیدان دؤرد ایله‌دك تحقیق ائله‌دیلر. بو موحقیقلر دئیرلر هر چند ائولنمكدن قاباقكی تردید حتماً آیریلماغا محكوم ائله‌مز آما اونلارین دئدیگینه گؤره زوجلار گرك ائولنمكدن قاباقكی تردیدلری حل ائده‌لر. | ||
یاشاییش بیزیم اینعیكاسیمیزدیر
یازار : میرزه عبدالصمد ملکی | بؤلوم : عمومی
+0 به یه ن
|
|
||
|
حكایت اولوب كی بیر حیكمتلی كیشی اوغلو ایله بیرلیكده شهردن ائشیگه چیخیر كی اونا شهرین شولوقلوغو و نیگرانلیغیندان اوزاق تمیز هاوادا یاشاماغین راحاتلیغینی تانیتدیرسین. ایكی بؤیوك دره‌دن كئچدیلر كی اوجا داغلا اونو احاطه ائله‌میشدی. دولانماق اثناسیندا اوغلان زویدو و دیزلری اوسته ییخیلدی. اوشاق اونون اثرینده آغریسینی نیشان وئرمك اوچون اوجادان قیشقیردی: آآآآه او حئینده اوزاقدان اونون دردینه شریك اولان و اونون سسینه اوخشار بیر سس دئدی: آآآآه اوشاق آغریسینی یاددان چیخاردیب تله‌سیك حالدا سسین گلن یئریندن سوروشدو: سن كیمسن؟؟ اونون سوآلینا جواب بئله گلدی: سن كیمسن؟؟ اوشاق بو موباریزه‌دن (موقابیل طرفین جواب قایتارماسیندان) ناراحات اولدو و تأكیدله سوروشدو: آما من سندن سوروشورام؟ و تازادان همان قودرت و آیدینلیقدا جواب گلدی: آما من سندن سوروشورام؟ بو قارشیلیقلی دانیشیقدا بیر شئی الده ائده بیلمه‌ین اوغلان اوشاغی حیرصلی-حیرصلی قیشقیردی: «سن قورخاقسان.» و یئنه سس همان گوجله اونا قاییتدی: «سن قورخاقسان.» بالاجا بیلدی كی حیكمتلی آتاسیندان -كی اونون یانیندا بونسوز كی اوغلونون اویونوندا دخالت ائده, دایانمیشدی - یاشاییشین تازا بیر فصلینی اؤیرنمگه احتیاجی وار. . . اوغلان یامانلارین شیدّتلنمه‌سی چوخالمامیشدان اعصابینا موسلط اولدو و میدانی آتاسینا بوراخدی كی بو درسی اؤیرتمگه فورصتی اولسون. آتا –همیشه كی كیمی- حادیثه‌یه حیكمتله یاناشدی و اوغلوندان ایسته‌دی كی بو دفعه‌كی جوابا دیقّت ائده و قیشقیردی: «من سنه احتیرام قاییلم» و سس همان ویقارلا جواب وئردی: «من سنه احتیرام قاییلم» اوغلان جواب وئرنین لحنی‌نین دگیشمه‌سیندن تعجوب ائله‌دی . .آما آتا دانیشماسینا ایدامه وئردی: «سن نه حیرت آمیزسن» و عیبارت تازادان قاییتدی: «سن نه حیرت آمیزسن» اوشاق ائشیتدیگیندن تعجوب ائله‌دی آما جوابین دگیشمه‌سی‌نین سیرّینی بیلمه‌دی. اونا گؤره ساكیت اولدو و گؤزله‌دی كی آتاسی اونو آچیقلاسین. آتاسی توضیح وئردی: «اوغلوم! بیز فیزیكده بو طبیعی وارلیغا «ائكو» آدی وئریریك . . . آما حقیقتده بو یاشاییشین اؤزودور . . .یاشاییش سنه او قدر وئرر كی سن اونا وئریبسن . . .اونا احتیرام قویدوغون میقدار سنه احتیرام ائدر . . .یادیندا ساخلا كی هر نه اكسن اونو دا بیچرسن.»
الحیاة انعكاس لنا یحكى أن أحد الحكماء خرج مع ابنه خارج المدینة لیعرفه على تضاریس الحیاة فی جوٍ نقی ، بعیداً عن صخب المدینة وهمومها. سلك الاثنان وادیاً عمیقاً تحیط به جبال شاهقة ، وأثناء سیرهما تعثر الابن فی مشیته فسقط على ركبته، صرخ الطفل على إثرها بصوتٍ مرتفع تعبیراً عن ألمه :آآآآه فإذا به یسمع من أقصى الوادی من یشاطره الألم بصوتٍ مماثل :آآآآه نسی الطفل الألم وسارع فی دهشةٍ سائلاً مصدر الصوت : ومن أنت؟؟ فإذا الجواب یرد علیه سؤاله : ومن أنت ؟؟ انزعج الطفل من هذا التحدی بالسؤال فرد علیه مؤكداً .. : بل أنا أسألك من أنت ؟ ومرة أخرى لا یكون الرد إلا بنفس الجفاء والحدة : بل أنا أسألك من أنت؟ فقد الابن الطفل صوابه بعد أن استثارته المجابهة فی الخطاب .. فصاح غاضباً ” أنت جبان” وبنفس القوة یجیء الرد ” أنت جبان ” …. أدرك الصغیر عندها أنه بحاجة لأن یتعلم فصلاً جدیداً فی الحیاة من أبیه الحكیم الذی وقف بجانبه دون أن یتدخل فی المشهد الذی كان من إخراج وبطولة ابنه .. قبل أن یتمادى فی تقاذف الشتائم تملك الابن أعصابه وترك المجال لأبیه لإدارة الموقف حتى یتفرغ هو لفهم هذا الدرس ، فتعامل - الأب كعادته - بحكمةٍ مع الحدث .. وطلب من ولده أن ینتبه للجواب هذه المرة وصاح فی الوادی : ” إنی أحترمك ” فجاء الصوت بنفس نغمة الوقار ” إنی أحترمك ” .. عجب الابن من تغیّر لهجة المجیب .. ولكن الأب أكمل المساجلة قائلاً: ” كم أنت رائع ”فجاء الرد على تلك العبارة الراقیة بقول الصوت ” كم أنت رائع ”. ذهل الطفل مما سمع ولكن لم یفهم سر التحول فی الجواب ولذا صمت بعمق لینتظر تفسیراً من أبیه فعلّق الوالد الحكیم على الواقعة بهذه الحكمة : "بنی : نحن نسمی هذه الظاهرة الطبیعیة فی عالم الفیزیاء (صدى ) .. لكنها فی الواقع هی الحیاة بعینها .. إن الحیاة لا تعطیك إلا بقدر ما تعطیها .. ولا تحترمك إلا بمقدار ما تحترم نفسك منها...وتذكر أنك تحصد ما تزرعه". | ||
یئر كوره‌سی اوچ آیدان سونرا محو اولاجاق‌می؟
یازار : میرزه عبدالصمد ملکی | بؤلوم : خبرلر
+0 به یه ن
|
|
||
|
Normal 0 21 false false false TR X-NONE AR-SA MicrosoftInternetExplorer4
2012-جی ایله گؤره عجیب نظریه‌لرین بیری یئرین اوچ گونده داغیلماسی و یا قارانلیغا بورونمه‌سیدیر كی تازالیقدا ایمئیل صورتینده جماعته گؤندریلیر و بو ایمئیلده ناسانین وب صفحه‌سینه بیر لینك قویولوب. بو عجیب نظریه دئییر كی گونش, یئر و سامان‌یولو كهكشانین مركزی بیر-بیریله تاراز اولاجاق و بو آرادا یئر كوره‌سی صدمه گؤره‌جك. و یا بو ایمئیلین دئدیگینه گؤره یئر اوچ گون بویو قارانلیقدا قالاجاق. بو ایمئیلده بئله یازیلیر: «ناسا اؤن گؤروب كی 2012-جی ایلین دسامبرین 25-23 ده(91-جی ایلین دی آیی‌نین اوچوندن بئشینه‌دك) كائیناتین تاراز اولان واختی, یئر اوزو اوچ گونه‌دك قارانلیغا بورونه‌جك. آمریكالی عالیملر یئر كوره‌سینده اوچ گون بویو قارانلیغی اؤن گؤروبلر. بو, دونیانین آخیری دئییل. دونیانین بو جور تارازلانماسی بیرینجی دفعه‌دیر كی اولور. یئر ایندیكی وضعیتیندن –كی اوچونجو بویوتدادیر- صیفر بویوتا دگیشه‌جك و سونرا دؤردونجو بویوتا گئده‌جك. بو كئچیدده دونیا بؤیوك دگیشمه‌ایله اوزله‌شه‌جك و بیز تازا بیر دونیانی گؤره‌جه‌ییك. بو قارانلیق گونلرده آرامیشی ساخلاماق, بیر-بیرینی قوجاقلاماق, عیبادت و یوخو اَن یاخشی گؤرولمه‌لی ایشلردیر. بو واقیعه‌دن سونرا دیری قالانلار تازا بیر دونیا ایله اوز به اوز اولاجاقلار و تأسوفله بو مسأله‌دن قورخانلار اؤله‌جكلر!» بو ایمئیلین آخیرینده مسأله‌نی ایناندیرماق اوچون ناسانین سایتیندان بیر لینك گتیریلیب. ایندی حقیقت نه‌دیر و بو ایمئیلین دالیسیندا كیملر وار بللی دئییل. قیش اینقیلابی زمانی یئر, گونش و قارانلیق دلیگین تارازلیغی‌نین تأثیرلریندن 2012-جی ایلینده چوخلو شایعه‌لر یاییلدی كی بودا اونلارین بیریدیر. زلزله, سونامی, سئل و هاوالارین غیری عادی دگیشمه‌سی بو شایعه‌لردندیر كی اونلاری بو مسأله‌یه ربط وئریرلر. | ||
پخیل آداملار همیشه افسورده اولورلار
یازار : میرزه عبدالصمد ملکی | بؤلوم : خبرلر
+0 به یه ن
|
|
||
|
روانشیناسلار دئییرلر كی همیشه ناراضی اولماق, یكسره افسورده اولماق, همیشه حیرصلی و غضبلی اولماق, پخیل آداملارین خیصلتلریندن اولور. بئله آداملار «هر شئیدن تماماً ناراضی اولما» ناخوشلوغونا موبتلا اولورلار. پخیل آدام همیشه ناراضی اولار یعنی شادلیقدا دا غوصّه‌ده ده حالی دگیشمز. پخیل آدام همیشه افسورده اولار و هئچ زاددان, نه قدر ده یاخشی اولسا, لذّت آپارماز و فیكری همیشه اؤزگه‌لرین تازا زادلاریندا اولار و اؤز یاخشی‌لیقلارین و مزیّتلرین گؤرمز. پخیل آدام هر او زادا كی اونا پخیللیك ائدیر, غضبلنر و اورگینده همیشه درد اولار. | ||