din xadimi دین خادمی

اؤلوم خطری اولان بیتكیلر

بعضی آپارتومان گوللری مسمومیته سبب اولا بیلر. ائله كی اوشاقلارین مسمومیِتینه سبب اولان شایع عامیللرین بیری‌ده ائله بیتكیلر اثرینده مسموم اولماقدیر. بیر بیتكی‌نین حیوانلار طرفیندن یئییلمه‌سی اونون غیری سمّی اولماسینا دلیل اولا بیلمز. بیر بیتكی‌نین یارپاغی, گولو و سغه‌سی اوشاقلار طرفیندن اودولسا فوراً بیر درمان مركزیندن مشورت آلین. زقّوم, دیفن باخیا, یوكسوك اوتو, آزالیا, بالدیران اوتو و گنه‌گرچك كیمی بیتكیلردن مسمومیّت, اؤلومه باعیث اولا بیلر.   آز یاشلی اوشاق اولان ائولرده بو نوع بیتكیلرین ساخلانماسی دوزگون دئییل و اولورسا دا اوشاقلارین الیندن اوزاقدا اولمالیدیر. حتّا بعضی درمان بیتكیلری‌ده حدیندن آرتیق ایستیفاده اولونسا مسمومیّت و اؤلومه سبب اولا بیلر. اوكالیپتوس بخورونون یئییلمه‌سی (حتّا بیر قاشیق) اؤلدوروجو اولا بیلر. بو مسمویّتده قوسماق دوزگون دئییل و ناخوش فوراً مریض‌خانایا چاتدیریلمالیدیر. زقّوم گولو دیفن باخیا یوكسوك اوتو (yüksük otu) گنه گرچك (gənəgərçək) بالدیران اوتو آزالیا   اوكالیپتوس

	ایمام هادی‌ (ع)
نقل اولوب كی خلیفه متوكلین یانیندا, ایمام هادینی (ع) سعایت ائله‌دیلر كی اونون ائوینده سلاح و آیری زادلار وار كی حكومت علئیهینه قیام ائله‌مگه حاضیرلاشیر. متوكل بو یالانا اینانیب بیر عیدّه‌نی یوللور كی او حضرتین ائوینی آختارسینلار. مأمورلار گئجه‌ یاریسی او حضرتین ائوینه تؤكولورلر آما بیر شئی تاپا بیلمیرلر. ایمامی بیر اوتاقدا تك تاپیرلار كی یون پالتار گئییب و دؤشه‌مه‌سی قوم اولان بیر یئرده اوتوروب و عیبادته مشغولدور. ایمامی همن وضعیتده خلیفه‌نین یانینا آپاریب دئدیلر: ائوینده بیر شئی تاپانمادیق و اونو اوزو قیبله‌یه و قورآن اوخویان حالدا گؤردوك. متوكل ایمامی گؤرن لحظه, ایمامین عظمتی اونو توتدو و ایختیارسیز او حضرته احتیرام ائله‌دی و اؤز یانیندا اوتورتدو و الینده‌كی شراب شوشه‌سیندن اونا تعاروف ائله‌دی ! ایمام آند ایچیب و بویوردو: منیم قانیما و اتیمه بئله بیر شئی قاریشماییب, منی معاف ائله ! خلیفه ال چكدی و دئدی: شعر اوخو ! ایمام بویوردو: من چوخ شعر ازبر دئییلم. آما خلیفه ایصرار ائتدی كی گرك اوخویاسان. ایمام بو مضموندا بیر شعر اوخودولار: «(موقتدیر حاكیملر) داغلار باشیندا گئجه‌نی گونوز ائله‌دیلر بیر حالدا كی گوجلو كیشیلر اوندان موغایات اولوردولار, آما داغ باشلاری اونلاری (اؤلومدن) قورتارا بیلمه‌دی. اونلار ایللر بویو عیزّتدن سونرا, امن یئرلریندن آشاغی چكیلدیلر و قبیرلرینه یئرلشدیلر, نه پیس ائو و نه پیس آرامگاه ! تورپاغا تاپیشیریلاندان سونرا, مونادیدن بیر نیدا گلدی: هاردادی او فاخیر تختلر, تاجلار و پالتارلار؟ هاردادی ناز نعمتده بسلنمیش اوزلر كی اونلارین احتیرامینا پرده‌لر آسیلاردی؟ قبیرلر اونلارین یئرینه دئیه‌رلر: ایندی یئر قوردلاری او اوزلرین یئمه‌سی اوستونده ساواشیرلار ! اونلار اوزون مودّت یئر اوزونده یئییب ایچدیلر؛ آما بوگون او هر شئیی یئیه‌نلرین اؤزلری حشره‌لرین و قوردلارین خورگی اولوبلار ! نه ائولر دوزلتدیلر كی اونلاری قوروسون, آما نهایتده بیر مودّت سونرا, بو ائولر و عاییله‌لری تركیدیب قبر ائوینه قاچدیلار ! نه ماللار آنبار ائله‌دیلر, آما اونلاری تركیدیب گئتدیلر و اونلاری دوشمنلرینه بوراخدیلار ! اونلارین آباد ائولری و سارایلاری خرابایا چئوریلدی و ساكینلری قارانلیق قبیرلره گئتدیلر !» متوكل چالیشیردی كی جماعت یانیندا ایمامین مقام و موقعیتینی یئندیرسین آما ایشلر اونون ضررینه و ایمامین نفعینه قورتولدو.

	آللاه سئورلیك و اینسان سئورلیك
اینسانیئراوزوندهتانری‌نینخلیفه‌سیساییلیروحقیقتدهبوتونوارلیقاونونالیندهامانتدیرو نتیجه‌دههراینسانبوتونوارلیققارشیسیندامسئولیّتداشی‌ییر. بووارلیغینایچیندهاینسانیناؤزمیلّتیوساییرمیلّتلردهوار. واؤنملیمسألهواركیاؤزونسئوهبیلمه‌یناینسانآیری‌لارینسئوهبیلمز ! منبومسأله‌نینآدینیناسیونالیزمیوخبلكهاینسانسئورلیكواونداناوستونآللاهسئورلیكقویورام. یعنیبیریدوغرودادوغروسوآللاهااینانیرسابوتونوارلیغیوالبتهاؤزوومیلّتینیسئور.

باخیشینی ایشلره نیسبت دگیش *غیر نظرتك إلى الأمور

حكایت اولوب كی بیر قوجا كیشی همیشه آغلاماقدایدی. بؤیوك قیزی بیر چتیر ساتانلا ائولنمیشدی و كیچیك قیزی ماكارونی دوزلدیب ساتان بیر كیشی ایله ائولنمیشدی. هاوا خوش اولان زمان بونون قوروخوسوندان كی بؤیوك قیزی‌نین تیجارتی كاسادلانسین, آغلاماغا باشلاردی. و هاوا یاغیشلی اولاندا بونون قورخوسوندان كی كیچیك قیزی‌ دوزلتدیگی ماكارونیلاری قورودا بیلمه‌سین, آغلاماغا باشللاردی. بیر گون حیكمتلی بیر كیشی اونو گؤرور و آغلاماسی‌نین سببینی سوروشور؟؟؟ جریانی اونا تعریفله‌یندن سونرا, حیكمتلی كیشی گولومسه‌دی و دئدی: «سن گرك باخیشینی ایشلره نیسبت دگیشه‌سن. سنین گوجون چاتماز هاوانین دورومونو دگیشه‌سن. گونش ایشیغینی ساچاندا كیچیك قیزینا و اونون سعادتینه فیكیرلش كی او دوزلتدیگی ماكارونی‌لاری قورولدا بیله‌جك. و اوندا كی یاغیش یاغیر بؤیوك قیزینا و اونون سئوینجینه دوشون كی تیجارتی رونقلی اولور. اوندان سونرا قوجا شادلیغا باشلادی و بیر داها آغلامادی. حیكمت: شراییطی دگیشه بیلمه‌سز, باخیش یؤنوزو دگیشین. ایشلره موختلیف یؤنلردن باخین, و حیات آیری یؤندن آخاجاق.   غیر نظرتك إلى الأمور یحكى أن عجوزاً كانت تبكی طوال الوقت، فابنتها الكبرى متزوحة من رجل یبیع المظلات، والصغرى متزوجة من رجل یصنع المعكرونة ویبیعها. فكانت كلما كان الجو صحوا تبدأ بالبكاء خوفا على كساد تجارة ابنتها الكبرى، واذا كان الجو ممطرا تواصل البكاء خوفا علىابنتها الصغرى ان لا تستطیع تجفیف المعكرونه التی تصنعها. فی احد الایام التقى بها رجل حكیم،وسالها عن سبب البكاء؟؟؟ وحینما اخبرته بقصتها، ابتسم الحكیم وقال علیك ان تقومی بتغییر نظرتك إلى الامور،فلا طاقة لدیك كی تغیری الطقس، حینما تسطع الشمس، علیك التفكیر بابنتك الصغرى، ومدى سعادتها وهی تقوم بتجفیف المعكرونه التی اعدتها. وحینما یهطل المطر فكری بابنتك الكبرى وفرحتها برواج تجارتها. فرحت العجوز بهذه النصیحة وقامت بتطبیقها ولم تعد بعدها إلى البكاء. الحكمة: إذا كنت لا تستطیع تغییر الظروف، غیر من موقفك تجاهها ،انظر بطریقة مختلفة للأمور، والحیاة سوف تتدفق فی الاتجاه الاخر.