din xadimi دین خادمی

	تبریز شهرداریسی آسیا شهرداریلار جمعینه قوشولور
تبریزین شهرداریسی عضویّت حقی اوچون اوچ مین دولار وئرمكله, آسیا شهرداریلار جمعینه قوشولدو. تبریز شهرداریسی‌نین, تایلندین بانكوك شهرینده اولان آسیا شهرداریلار ییغینجاغیندا حضور تاپماغی اوچون, اوچ فوریّتلی لاییحه‌سی تبریزین شهر شوراسیندا تصویب اولدو. بو مجمعین ایكی ایللیك عضویّت حقی, آلتی مین دولاردیر كی تبریز شهرداریسی نامه یازماقلا و كئچن ایل بو مجمعده حاضیر اولماماسینی نظرده آلماقلا, اوچ مین دولار تبریزین شهر شوراسی‌نین صاندیغیندان وئریر. هابئله تبریز شهرداری 200 چادیر كمپی‌نین آرتیریلماسیندان خبر وئردی كی تبریز جماعتی‌نین اورژانسی شراییطده ایسكانی اوچون نظرده آلیب. او آرتیردی: بو تعدادلا ایندی تبریز شهری‌نین 400 ایضطرری كمپی وار و 50 سیّار توالت‌ده نظرده آلینیب.

	نئچه دقیقه ایچینده نفت دوزلتمك
عالیملر تازا یول تابیلار كی آنا طبیعتین میلیونلار ایل بویوندا گؤردویو ایشی, یعنی یوسونلاری خام نفته چئویرمه‌نی, نئچه دقیقه‌نین عرضینده گؤرورلر. میشیگان دانیشگاهی‌نین موحقیقلری دئییرلر كی ائلیه بیلیبلر نئچه دقیقه عرضینده یوسونلاری سیخیب پیشیرسینلر و بو یاشیل یوسونون یوزده آلتمیشینی خام نفته چئویرسینلر. "فیل ساواژ" بو دانیشگاهین شیمی موهندیسلیك اوستادی دئییر: «چالیشیریق طبیعتین, دریا اورگانیزملرینی نفته چئورمك پروسه‌سینی تقلید ائدك. ساواژ و همكارلاری بیر پولاد لوله‌نی یاش یوسونلا دولدوردولار و آغزینی مؤحكم باغلادیلار و اونو 1000 درجه فارنهایت ایستیلیگینده اولان قومون آلتینا قویلادیلار. سونرا بو یوسونون حرارتی 550 درجه‌یه چاتاندا اونو ائشیگه چیخارتدیلار. یوسوندان یاناجاق دوزلدنلر بو ایش اوچون اوّلده یوسونو قورودورلار و سونرا اونون طبیعی یاغینی ایستیخراج ائدیرلر, آما اونون هر بوشقاسی‌ 20 دولارا چیخیر كی نیشان وئریر بو یاناجاغین بنزین پومپلارینا چاتماغا چوخ یولو وار. ساواژ دئییر: «شیركتلر بیلیرلر كی بو ایقتیصادی یول دئییل. بو اوزدن بیر یول آختاریرلار كی یاش یوسوندان ایستیفاده ائله‌سینلر یعنی همن ایش كی بیز گؤردوك.» اونون دئدیگینه گؤره «فیشار اوجاغیندا» تولید اولان بو خام نفتده اصلی یوسونون انرژیسی‌نین یوزده دوخسانی وار.

بیر آتیش * رمیة واحدة

اوغول آتادان ایستیر كی قوش شیكاری اوچون اونا توفنگ آلسین. آتا موافیقت ائدیر و اوغلونو شهر بازارینا آپاریر كی توفنگی, ائله توكاندان آلسین كی اونو, بو زمینه‌ده تجروبه‌لی آدام ایداره ائدیر. توكان صاحیبی اونا ایكی جوره شیكاری توفنگ گؤستریر. بیری بیر آتیشلی و بیر‌ده ایكی آتیشلی. (بیری ایله بیر دفعه آتماق اولاردی و بیر ایله ایكی دفعه آتماق اولاردی). اوغلان ایكینجی نوعی یعنی ایكی لوله‌لینی سئچدی. و توكان صاحیبی‌نین نظرینی بو باره‌ده سوروشدو, نیه كی او بو زمینه‌ده تجروبه‌لی ایدی. (توكان صاحیبی) جواب وئردی: صمیمیّتله دئییم كی من سنین یئرینه اولسایدیم بیر لوله‌لینی سئچردیم و شكسیز بیر آتیشلی توفنگ داها یاخشیدیر. نیه كی سن هر دفعه اؤز-اؤزونه دئیه‌جكسن: ایندی هدفه دَیمه‌سه آیری شانسیم یوخدو. آما ایكی لوله‌لی توفنگده, سن بئله دوشونه‌جكسن كی بیرینجی آتیش ائله‌ده موهوم دئییل, نیه كی ایكینجی آتیشا فورصتین وار و اولا بیلر هدفه دَیمه‌یه ! اوغلان توكانچی‌نین مصلحتینه قانع اولوب بیر آتیشلی توفنگی آلدی و آتاسینا دئدی كی بو ساتیجی‌دان موهوم درس اؤیرندیم و اودا بو كی یاشاییشیمین بوتون فورصتلیرنه حریص اولام تا كی بیرینجی آتیشدا هدفی وورام. و اؤزومو آیری فورصتلره موطمئین ائتمه‌یم, كی ایمكانی وار هامیسینی الدن وئرم. حیكمت: بیرینجی فورصتی الدن وئرمه بلكه اوندا یاخشیجا دقیق اول, نیه كی موفقیّت فورصتلری دگیشیلمز . . .اؤز-اؤزونه دئمه كی بیر آیری فورصتیم داها وار,  اولا بیلر آیری فورصت بیر داها الینه كئچمه‌سین.   رمیة واحدة طلب ابن من والده أن یشتری له بندقیة لصید الطیور فوافق الوالد على هذا الطلب واصطحب الإبن إلى سوق  المدینة لیبتاع له بندقیة من محل بیع بنادق یدیره شخص متقدم فی السن خبرته واسعة فی هذا المجال .  عرض علیه صاحب المحل نوعین من بنادق الصید الأول  بطلقة واحدة والثانیة بطلقتین واختار الإبن النوع الثانی أی بندقیة ذات فوهتین .  وتوجه بالسؤال إلى صاحب المحل عن رأیه الصریح فیما  اختار كونه صاحب خبرة وعتیق فی هذه المهنة ؟  فأجابه : بصراحة لو كنت مكانك لاخترت بندقیة ذات فوهة  واحدة ودون تردد فبندقیة بطلقة واحدة أفضل لأنك فی كل مرة  تسدد تقول لنفسك :  إذا لم أصب الهدف الآن فقد لا تتاح لی فرصة أخرى .  أما بالبندقیة  ذات الفوهتین فإنك تكون شاعرا أن طلقة واحدة لیست مهمة جدا لأن عندك طلقة ثانیة وقد لا تصیب الهدف !  اقتنع الإبن من كلام صاحب المحل واشترى بندقیة بطلقة واحدة  وقال لوالده لقد تعلمت من هذا البائع درسا مهما وهو أن أحرص  فی جمیع مجالات حیاتی أن أصیب من الرمیة الأولى  وأن لا أمنی النفس بفرص أخرى قد افقدها جمیعها . تـــذكــــر: لا تفوت الفرصة الاولى بل ركز علیها جیدا لأن فرص النجاح لا تعوض.. ولا تقل لنفسك هناك فرصة ثانیة ، فقد لا تأتی الفرصة الثانیة  مرة أخرى.

آذربایجاندا قتل عام و یا بؤیوك باهالیق دؤورو (95 ایل بوندان قاباق)

آذربایجانلی‌لار ایچینده بؤیوك باهالیغا معروف اولان بؤیوك قیتلیق, 1296-جی هیجری شمسی (1917 میلادی) ایلینده باشلاییب و 1298-جی ه.ش (1919 میلادی) ایلینده باشا چاتدی. تاریخچیلرین چوخ آزی آذربایجانداكی بو سوی قیریما ایشاره ائدیبلر. یاییلان سندلر و خاریجی اؤلكه‌لر سفیرلری‌نین گوزاریشینه اساساً بؤیوك باهالیق دؤورونده ایران جمعیتی‌نین یوزده قیرخی تلف اولدو. طرف ساخلامایان تاریخچیلرین هامیسی بو قیتلیغین عامیلینی سئل, طوفان و یاغیشسیزلیق كیمی زادلار بیلمیرلر. بلكه بؤیوك قیتلیغین اساس عامیلینی انگیلیسین ایستعماری سیاستی ساییرلار. 1917 اینقیلابی‌نین غالبیّتی ایله روسیه‌نین ایشغالچی قوشونو ایراندان گئتدی. او دؤورده ایران 400 مین نفر انگلیس قوشونو ایله ایشغال اولموشدو. انگیلیسلر ایراندا و روسیه‌نین جنوبونداكی قوشونلارینی تعذیه ائتمك اوچون, ایرانین غرب و شیمال و مخصوصاً آذربایجانین اكین محصوللارینی آلدیلار. 1918 میلادی ایلینده آذربایجانین میانا شهری عوثمانلی قوشونو طرفیندن ایشغال اولدو, انگیلیسلر بوتون یئمك ذخیره‌لرینی اودلادیلار كی عوثمانلی‌لارین الینه دوشمه‌سین. خانم نیكی آر كدی «قاجار دؤورونون ایرانی و رضاخانین قالخماسی» كیتابیندا یازیر كی ایرانلی‌لار قارینلارینی دویورماق اوچون آغاج ریشه‌سی یئییردیلر و بعضاً آدام‌دا یئییردیلر. ایشغالچیلار, تزار قوشونون چیخماسی و عوثمانلی‌نین مغلوبیّتیندن سونرا ایراندا آت چاپدیردیلار و 1299 ه.ش (1921- ایلین فوریه‌سی) كودتاسیندان سونرا و ایرانین بوتون ایشلرین انگلوفیل فراماسونرلره (انگیلیس پرستلره) تاپیشیراندان سونرا ایرانی ترك ائله‌دیلر. تقریباً 10-8 میلیون نفر (یعنی او زمانكی ایران جمعیتی‌نین تقریباً یاریسی) بو قیتلیقدا تلف اولدولار و انگیلیسلر بو قیتلیغین آزالماسی جهتینده نه اینكی بیر ایش گؤرمه‌دیلر, بلكه ایرانین باشا باشیندا تاخیل و یئمه‌لی زادلاری آلماقلا و هند و بین‌النهرین‌دن تاخیل وارید ائتمه‌مكله و آمریكادان تاخیل گلمه‌سی‌نین قاباغین آلماقلا و بعضی مالی سیاستلرین ایجراسی ایله (او جومله‌دن ایران نفتی‌نین پولونو وئرمه‌مكله) قیتلیغی چوخالتدیلار. نتیجه‌ده جماعتیمیزین داها چوخو انگیلیس سیاستلری اثرینده یارانمیش آجلیقدان تلف اولدولار. عوثمانلی ایله ساواشماغا گؤره و انگیلیسلرین عوثمانلیدان و یئنی شوروی حكومتیندن قورخماسینا گؤره, انگیلیس قوشونلاری آذربایجاندا آیری یئرلردن داها چوخ ایدی. بو اوزدن ایدعا ائتمك اولار كی آذربایجانداكی تلفات یوزده قیرخدان داها چوخیدی. طبیعتاً اكین محصوللاری‌نین قیمتی شیدّتلی صورتده باهالاشدی. حتّا دئییلیر كی شهرلرده جماعت قارنینی دویورماق اوچون, بیر دوكانی ایكی اوچ چؤركله دگیشیردیلر. شاید تلفاتین یاریسیندان چوخو آذربایجانا مربوط اولا. بیرینجی دونیا ساواشیندان سونرا پاریسده تشكیل اولان كونفرانسدا, بیرینجی دونیا ساواشی‌نین فاتیحلری بو مسأله‌نین یانیندان سس‌سیز و چوخ ساده كئچدیلر. و هله ده استعمارچی سیاستین گوجو بو مسأله‌نین اوستونون آچیلماسینا ایجازه وئرمیر.

	علی‌نین (ع) ویلایتی بؤیوك سونّی عالیمین نظرینده
«اسماعیل بن اسحاق بن اسماعیل» سونّی عالیملریندندیر كی 282-جی هیجری قمری ایلینده دونیادان گئدیب. او بغدادین بؤیوك عالیملریندن و خلیفه متوكلین منصوب ائله‌دیگی قاضی‌لردن ایدی كی موختلیف ایسلامی علملر زمینه‌سینده چوخلو اثرلری وار. اونون طایفاسیندا دا آدلیم عالیملر وار كی او عصرین رجال اثرلرینده آدلاری وار. اونون اخلاقی و علمی شخصیتی اوچونجو عصر و سونراكی ایفراطی سونّی‌لر طرفیندن تأیید اولور و اللریندن گلن سیتایشی اوندان ائدیبلر. اونون شرح حالیندا (الاسلام ذهبی: 21/124 ـ 125) غدیر حدیثی باره‌ده بیر نوكته گلیب كی بو موبارك گونده اونا ایشاره ائتمك گؤزل اولار: نفطویه اؤز تاریخینده یازیر: بو اسماعیل, محمد بن عبدالله بن طاهرین[ذو الیمینین] كاتیبی‌ایدی. بیر گون محمد اسماعیلدان سوروشدو: «انت منی بمنزلة هارون من موسی» و «من كنت مولاه» حدیثلری‌نین سندلری نئجه‌دیر؟ اسماعیل دئدی: بیرینجی حدیث داها دوزدور و ایكینجیسی اوندان سونرا یئر آلیر. [الاول أصح، و الآخر دونه]. محمد دئییر اونا دئدیم: بو حدیث [یعنی «من كنت مولاه»] بیر عیده كوفی‌لر و بصری‌لری طرفیندن نقل اولوب. اسماعیل جواب وئردی: البته هركس كی علی اونون مولاسی اولمایا زیان و خوسراندادیر. (نعم و قد خاب و خسر من لم علیّ مولاه.)