din xadimi دین خادمی

ایجتیماعی ظولملره لاقید اولماغین ریشه‌سی، جهالتدیر ریوایتلر اساسیندا ظولمون تعریفی بئله‌دیر: «وضع الشی فی غیر موضعه» یعنی بیر شئیی اؤز یئریندن كنار بیر یئره قویماق. بو سؤز «عدل» سؤزونون موقابیلینده دایانیر كی هر زادی اؤز یئرینه قویماق معناسیندادیر. قورآندا دا بو سؤز ائله بو معنادا گلیب؛ حضرت موسی‌نین(ع) قیصّه‌سینده قبطی‌نین اؤلمه‌سیندن سونرا حضرت موسی (ع) بویورور: « . . . رب ظلمت نفسی» كی حضرت ایمام رضا(ع) بو آیه‌نین تفسیرینده بویورور یعنی بو كی« وضعت نفسی فی غیر موضعها». اؤزومو منه مخصوص اولمایان یئرده قرار وئردیم. قورآن و ریوایتلر اساسیندا ظولم اوچ كولّی یئره بؤلونور كی بونلارین هر بیری‌ آیری شاخه‌لره بؤلونورلر. نهج‌البلاغه‌نین 176-جی حیكمتینده بئله گلیب: «بیلین كی ظولم اوچ جوره‌دیر: 1. باغیشلانمایان ظولم، 2. او ظولم كی آللاه طرفیندن سورقو سوآلا چكیله‌جك 3. باغیشلانان ظولم. آما باغیشلانمایان ظولم، آللاها شریك قرار وئرمكدیر نئجه‌كی بویوروب (آللاه [هئچ‌واخت] ظولمو باغیشلامایاجاق) و باغیشلانان ظولم او ظولمدور كی اینسان بیر سئری خیردا گوناهلارا مورتكیب اولماقلا اؤزونه ائلر. آما او ظولم كی آللاه طرفیندن سورقو سوآلا چكیله‌جك ، او ظولمدور كی جماعت بیر بیرینه ائدیر.» اوروج، ناماز و ساییر عیبادتلری ترك ائله‌مك كیمی حق‌الله بؤلومونده، حقیقتده اینسان اؤزونه ظولم ائدیر و اؤزونو كمال، ایچ صفاسی و ایلاهی رحمته چاتماقدان محروم ائدیر، آما جوبران اولمادان باغیشلانمایان ظولم، حق‌الناسدیر. اؤزونه ظولم ائتمك یعنی اؤزونو محروم ائتمك؛ بیز دونیایا گلنده بیر پاییمیز وار كی ریوایتده بویورور «لاثمن لانفسكم الا الجنة» یعنی هر بیریزین پایی جنّتدیر و آللاه سیزی بونون اوچون یارادیب. آللاه تعالا او مطلوب كمالا چاتماق یوللارینی آچیقلاییب و بیر بؤلومون‌ده اینسانلارین جانینا ایلهام ائدیب «فالهمها فجورها و تقواها» هر اینسانا یپیسلیقلارین و یاخشی‌لیقلارین ایلهام ائله‌دی. هیدایتین بیر بؤلومونو پیغمبرلر ائدر آما بیر بؤلومونو ده آللاه تعالا اینسانین عقلینده و فیطرتینده یئرلشدیریب و بیزیم ائله سرمایه‌لریمیز وار كی جانیمیزلا ممزوجدولار. اینسان بو مسیرلردن ایستیفاده ائدیب، اینسانین حقّی اولان كمال نوقطه‌سینه چاتماسا، اؤزونو محروم ائدیب و حقیقتده اؤزونه ظولم ائدیب. البته اؤزونه ظولم ائتمگین دالیسیندا، جماعته ظولم ائله‌مك‌ده گلیر. یعنی بیر اینسانین وظیفه‌سی وار جامیعه‌ده بونون بوینوندا اولان وظیفه‌نی یئرینه یئتیرسین. ایندی بو اینسان گلیب اؤزونه ظولم ائلیه و لازیم اولان موقعیتده اولمایا (علمی و تقواسی ضعیف اولا) حقیقتده بو جامیعه‌یه و جماعته ده ظولم ائدیب. بیر سئری عیلّتلر بیزی ایجتیماعی ظولملرین قاباغیندا بی تفاوت ائدیب. بو عیلّتلرین بیری جهالتدیر. جهالت تربیتی، اخلاقی و رفتاری موشكوللرین عیلّتیدیر. ریوایتلریمیزده قونشونون حقلری باره‌ده سؤزلر گئدیب و اونلاری رعایت ائله‌مه‌مك ظولم میصداقلاریندان ساییلیب. دین باخیمیندان چوخ زاد حق اوستونده‌دیر. حتّا حیوانلارین حقّین رعایت ائله‌مك باره‌ده چوخلو ریوایتیمیز وار. بو نیشان وئریر كی ایش چوخ حساسدیر آما بیز اونلارین چوخوندان غافیلیك كی قطعاً اونلارا جواب وئرمه‌لی‌ییك. اینسان هر حركت و ایشینه گؤره مسئولدور.

پاپ: ایندی دونیا، نوختاسین قیرمیش سرمایه‌دارلیق طرفیندن تهدید اولور كاتولیكلرین رهبری بیر پیامدا هوشدار وئردی كی ایندی دونیا، نوختاسین قیرمیش سرمایه‌دارلیق طرفیندن تهدید اولور. رویترزین وئردیگی خبره گؤره، «اون ‌آلتینجی پاپ بندیكت» تازا میلادی ایلین باشلاماسی موناسیبتینه وئرن پیامیندا بو مطلبه ایشاره ائدیب و اومیدوارلیغین بیلدیردی كی 2013-جو ایل صولح و باریش ایلی اولسون. 85 یاشلی پاپ، تازا ایلی 10 مین كشیشین حضوروندا و كاتولیك كلیسالارین، بؤیوك باریش گونو آدلاندیردیقلاری گونونده باشلادی. كاتولیكلره دانیشان پاپ، دونیاداكی بؤحران و یوخسول‌لار و وارلیلار آراسینداكی عدالتسیزلیكدن اینتیقاد ائله‌دی.

یهودیلر * Yahudiler نجیب فاضیلدن یهودیلر باره‌سینده نه دوشوندویونو سوروشاندا، بو جوابی وئرمیشدی: - یهودیلری دئییرسیز؟ اونلار یومورتالارینی پیشیرمك اوچون، دونیانی اودا چكن لعنته گلمیشلردیلر. Yahudiler Necip Fazıl, “Yahudiler hakkında ne düşünüyorsunuz?” sorusuna şu cevabı vermişti. - Yahudiler mi dediniz? Onlar yumurtalarını pişirmek için dünyayı ateşe veren lanetlilerdir

اَن یاخشی تعلیم * أفضل تعلیم Ormanطبیب شاگیردی ایله بیرلیكده آفریقا مئشه‌سینده گئدیردی و بونونلا بئله كی چوخلو مهارتی واریدی آما چوخ دیقّتلی و احتیاطلی یول گئدیردی. بیر حالداكی شاگیرد یولدا ییخیلیب قالخیردی . . .و هر دفعه كی آیاغا دوروردو یولا و یئره لعنت اوخویوردو سونرا موعلّیمی‌نین آرخاسینجا گئدیردی. اوزون بیر مسافه‌دن سونرا ایسته‌دیكلری یئره چاتدیلار . . . طبیب دایانمامیش شاگیرده ایشاره ائله‌لی و قاییتماغا باشلادیلار. شاگیرد دئدی: منیم آغام ! منه بویون هئچ نه اؤیرتمیه‌جكسن؟ طبیب دئدی كی من سنه هر زادی اؤیردیرم آما سن اؤیرنمیسن. من سنه اؤیردیرم كی یاشاییشین چتینلیكلری ایله نئجه قارشیلاشاسان ! شاگیرد دئدی: او نه‌جور اولار؟ طبیب دئدی: اونون اؤز یولو ایله، ائله كی اونونلا یولون چتینلیكلری ایله قارشیلاش و بونون یئرینه كی ییخیلدیغین یئره لعنت اوخویاسان، چالیش كی اوّل ییخیلماغی‌نین سببینی بیله‌سن. أفضل تعلیم كان الحكیم یسیر مع تلمیذه فی غابه إفریقیه ورغم لیاقته العالیة إلا أن الطبیب كان یسیر بحذر ودقه شدیدین . بینما كان التلمیذ یقع ویتعثر فی الطریق..وكان كل مره یقوم لیلعن الأرض والطریق ثم یتبع معلمه. وبعد مسیره طویلة وصلا إلی المكان المنشود. ...ودون أن یتوقف التفت الطبیب إلی التلمیذ واستدار وبدا فی العودة . قال التلمیذ: لم تعلمنی الیوم شیئا یا سیدی . قال الطبیب لقد كنت أعلمك أشیاء ولكنك لم تتعلم كنت أحاول أن أعلمك كیف تتعامل مع عثرات الحیاة!. قال التلمیذ :وكیف ذلك؟ قال: بالطریقة نفسها التی تتعامل بها مع عثرات الطریق فبدلا من أن تلعن المكان الذی تقع فیه ..حاول أن تعرف سبب وقوعك أولا.

اؤلچولموش سؤز، سیلاحلی حمله‌دن گوجلودور

نهج‌البلاغه‌دن حیكمتلی سؤزلر؛ اؤلچولموش سؤز سیلاحلی حمله‌دن گوجلودور. ائی جماعت، آند اولسون آللاها من سیزی دوز عمله دعوت ائله‌مه‌رم مگر بو كی اونا عمل ائله‌مكده اؤزوم سیزدن قاباغا دوشم و سیزی گوناهدان ساخلامارام مگر بوكی اؤزوم‌ده نهی ائدندن سونرا اونو ترك ائدم. 175-جی خوطبه • جماعتله ائله رفتار ائدین كی سیز دونیادان گئتسز سیزه آغلاسینلار و دیری قالساز سیزه طرف ماییل اولسونلار. • جماعتین اَن عاجیزی اودور كی اؤزونه دوست تاپا بیلمیه و اوندان دا عاجیز اودر كی قازاندیغی دوستو الدن وئره. • زمانه‌نین چتینلیقلارینا دؤز، یوخسا سئوینمیه‌جكسن. • هر كسین مالیندا ایكی شریك وار؛ ورثه و حادیثه‌لر. • سؤزو دیلینه گتیرمه‌میش او سنین ایختیاریندادیر . . .دیلینه گتیرندن سونرا، سن اونون ایختیارینداسان؛ پس دیلینی قیزیل گوموشلرینی ساخلادیغین كیمی ساخلا، نییه كی ائله سؤز وار نعمتی قوغار و ائله سؤز وار بلانی جذب ائلر. • آبریسینی ساخلاماغا ماییل اولان، داعوادان اوزاق اولسون. • جماعتین اَن آخماقی اودور كی اؤزونو هامیدان عاغیللی بیله. • یاخشی اینسانلارینان پیسلیك ائله‌مه كی اونلاری یاخشی‌لیقدان ساخلار. • دونیادا لاپ چوخ مونیس اولدوغون زاددان قورخ. • اوچ زاددا اوتانماغین معناسی یوخدو: قوناغا خیدمت، موعلیمین حضوروندا آیاغا قالخماق و اؤز حقینی آلماق. • اینسانین ال‌آچیقلیغی، اونو موخالیفلر ایچینده‌ده محبوب ائلر، و چیلیسلیغی اونو اوشاقلاری‌نین یانیندا دا منفور ائلر. • بیلمه‌دیگیندن دانیشما، بلكه بیلدیگی‌نین هامیسینی‌دا دئمه. • آرخاسیندا آتش اولان خِیر، خِیر ساییلماز و آرخاسیندا جنّت اولان شرّ ده، شرّ ساییلماز و جنّتسیز هر نعمت، آزدیر و جهنّمسیز بلا، عافیتدیر. • اؤلچولموش سؤز سیلاحلی حمله‌دن گوجلودور.