عالیملر چالیشیرلار گؤرونمه‌ین اؤرتو دوزلتسینلر
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
چینلی و آمریكالی عالیملر ریاضی اولگاریتملر و مئتا مادّه‌لرله گؤرونمه‌ین اؤرتونون جورله‌مه‌سینه بیر آددیم یاخینلاشدیلار. شیمالی كارولینا ایالتینده‌كی دوك دانیشگاهی‌نین موحقیقلری, ریاضی اولگاریتملردن ایستیفاده ائتمكله «مئتا مَواد»ین دوزلتمه‌سینه یاخینلاشیبلار. بو تیم Science ژورنالیندا یازیر : «بو مادّه الكترو مغناطیسی دالغالاری اؤزونون آیری طرفینه اینتیقال وئره بیلیر. و بئله‌لیكله نظره گلیر كی دالغا بوش فضادان سووشوب.» بو تیم اؤز بیانیّه‌سی‌نین ایدامه‌سینده یازیر: «بو مادّه‌لر, دالغالارین اینسیدادی‌نین اثرینی آرادان آپارماقلا ائلیه بیلرلر سیمسیز رابیطه‌نی یوكسلتسینلر. بو وسیله زلزله دالغالاری‌نین خونثا ائله‌مه‌سینده كؤمك اولار بیلر.» بو تیمین ارشد موحقیقی دیوید ر. اسمیت, بو اینامدادیر كی گؤرونمز اولماق, یای گونلرینده‌كی سرابا اوخشاییر. او بو باره‌ده دئییر: «سراب اولاندا بئله گؤرونور كی یئر اوزونده سو آخیر آما حقیقتده بو, گؤیون آسفالت اوستونده‌كی اینعیكاسیدیر. بو میثالدا سیز جاده‌نی گؤرمورسوز چونكی سراب جادّه‌نی گؤرونمز ائله‌ییب. بیز ده بوجور زادلاردان ایلهام آلیریق.» پروفسور اسمیت آرتیریر: «بو گؤرونمزلیق وسیله‌سی, چوخلی دالغالاری خونثا ائلیه بیلر و مادون قیرمیز قاباغیندا دا موقاویمدیر.» بو موحافیظین دوزلتمه‌سینده 10 مین قطعه فایبرگلاس ایشله‌دیلیب. | ||
«حسین» آدین آللاه پیغمبره (ص) وحی ائله‌دی
یازار : میرزه عبدالصمد ملکی | بؤلوم : دین
+0 به یه ن
|
|
||
 مشهور نظره گؤره او حضرتین ویلادتی شعبانین اوچودور ایمام حسین (ع) دؤردونجو هیجری ایلین شعبان آیین اوچونده دونیایا گلدی. بیر آیری نقله گؤره او حضرت دؤردونجو هیجری ایلینده سه شنبه یا پنجشنبه گونو شعبانین بئشینده دونیایا گلیب و آیری ریوایته گؤره او حضرت اوچونجو هیجری ایلین شعبانین اوچونده دونیایا گلیب. علامه مجلیسی بو ریوایتلری نقل ائدندن سونرا اعتیقادی وار كی اونلارین ان مشهورو اودور كی او حضرت شعبانین اوچونده دونیایا گلیب. «حسین» هارونون اوغلو «شبیر» ایله بیر آددا / پیغمبر (ص) آللاه دستوری‌اینن «حسین» آدین اینتیخاب ائله‌دی. ایمام حسن(ع) و ایمام حسینین(ع) آدلاری هارونون اوغلانلاری یعنی شُبَر و شبیر آدیندا قویولوب. یعنی ایمام حسنی(ع) شبر و ایمام حسینی(ع) شبیر آدیندا آد قویدولار. البته بو آدلار عبری‌ایدیلر و پیغمبر عرب اولدوغو اوچون بو آدلاری دگیشیب اونلارین عربی دیلینده معناسی یعنی حسن و حسین قویدولار.* بعضی تاریخچیلرین دئدیگینه گؤره او اطرافین جماعتی حسن و حسین آدلاریله تانیش دئییلدیلر و بو ایكی آد آللاه طرفیندن پیغمبره نازیل اولدو. *: روضه الشهدا, ملاحسین كاشفی سبزواری،ص 192 از «اسماء بنت عمیس» روایت است كه حضرت زهرا علیها السّلام فرزند بزرگوارش، حسن علیه السّلام، را به خانه من آورد. درست همین لحظه پیغمبر اكرم صلّى اللّه علیه و آله تشریف آورد و فرمود: اى اسماء! فرزندم را بیاور. امام حسن علیه السّلام را در پارچه زردى نهادم و به حضور مباركش بردم. رسول خدا صلّى اللّه علیه و آله فرمود: مگر به شما نگفتم كودك را در پارچه زرد رنگ نپیچید. بلافاصله كودك را در میان پارچه سفیدى پیچیدم و به حضورش بردم. رسول خدا صلّى اللّه علیه و آله كودك را از من گرفت و در گوش راستش اذان و در گوش چپش اقامه گفت. آنگاه از على علیه السّلام، پرسید كه نام این فرزندم را چه نامیدهاى؟ على علیه السّلام گفت: من بر شما پیشى نمىگیرم. رسول خدا صلّى اللّه علیه و آله فرمود: من هم در نامگذارى او، بر خدا سبقت نمىجویم. در این هنگام، «جبرئیل» نازل شد و گفت: اى محمد! پروردگار سلام مىرساند و مىفرماید: موقعیت على علیه السّلام در نزد تو، مانند منزلت هارون به موسى است؛ با این تفاوت كه پیغمبرى پس از تو مبعوث نمىشود. اسم فرزندت را به نام فرزند هارون نامگذارى كن. پیغمبر اكرم صلّى اللّه علیه و آله پرسید: نام فرزند هارون چیست؟ «جبرئیل» در پاسخ گفت: نام او «شبر» است. رسول خدا صلّى اللّه علیه و آله فرمود كه زبان من عربى است، «جبرئیل» فرمود: او را به نام حسن نامگذارى كن. پس از یكسال امام حسین علیه السّلام متولّد شد، پیغمبر اكرم صلّى اللّه علیه و آله به خانه «اسماء» آمد و جریان را بطورى كه بیان كردیم، «اسماء» بیان كرد و قصه نامگذارى را متذكر شد تا آنجا كه «جبرئیل» گفت: نام این كودك را حسین بگذار | ||
وبانین نئجه قاباغین آلاماق اولار؟
یازار : میرزه عبدالصمد ملکی | بؤلوم : ساغلاملیق
+0 به یه ن
|
|
||
 وبا ایسهال‌لی ناخوشلوقلارین بیریدیر. ناخوشلوغون علامتلری باغیرساقدا میكروب واسیطه‌سی‌ایله یاییلان سمّدیر . یویولما‌میش میوه و گؤی, باتیق سویونان دوزلمیش بوز و باتیق سودا چیممك اینسانی موبتلا ائلیه بیلر. نئجه وبانین قاباغین آلماق اولار: وبانین یاییلماسی‌نین قاباغین آلماق اوچون ان یاخشی یول بودور كی اونون یاییلما یوللاری باغلانسین و عامیلی آرادان آپاریلسین. • ناخوشلوغو كونترول ائتمكدن اؤترو قاب-قاشیغی دوزگون صورتده یوماق و غذالاری قیزیشیدیریب داغلاندیرماق لازیمدیر. • اینسان فضولاتینی بهداشتی صورتده دفع ائله‌مك: بهداشتی تووالتلردن ایستیفاده ائله‌مك و تووالتی و باتان یئرلری ضید عفونی ائله‌مك لازیمدیر. • تصفیه اولمایان سویو بیر دقیقه قایناتماق و یا كولور تركیباتین سویا آرتیریلماسی توصیه اولور. موسافیرتده مومكون اولان قدر ایستاندارد و آغزی باغلی شوشه‌لردن ایستیفاده ائله‌یین. • میوه و گؤیو تورپاقلاری تمیزلنماغا خاطیر یویون سونرا بیر قابا بئش لتیر سو و 15 قطره قاب یویان مایع توكوب حل ائدین. میوه و گؤیلری بئش دقیقه بویوندا بو محلولون ایچینده ساخلایین و سونرا تمیز سویونان یویون. • وبانین داریشان زامانی آبقورا و آبلیمو كیمی اسیدلی مادّه‌لردن ایستیفاده ائدین. | ||
قاتیل الیندن هاردا گیزلنمك اولار؟
یازار : میرزه عبدالصمد ملکی | بؤلوم : عمومی
+0 به یه ن
|
|
||
|
گؤرون بو اوختاپوس دولفین الیندن قورتولماغا گؤره هاردا گیزله‌نیب ! وحشی طبیعت موتخصیصی, جوان گنزالوو, یونانین غربینده آموراكیكوس خلیجینده بیر دولفینی گؤردو كی قارنینا بیر شئی یاپیشیب؛ بیر اوختاپوس كی نظره گلن جانین قورتارماق اوچون اوردا گیزله‌نیب ! نیوساینتیستین وئردیگی معلوماتا گؤره, گنزالوو بیر داوطلب گروها تعلیم وئرن زامان بو دولفینی گؤرور كی اونلارین قاییقلری‌نین قاباغیندا سودان ائشیگه آتیلیر. او بئله حدس وورور كی دولفین اوختاپوسی شیكار ائدن زامان, اوختاپوس اؤلومدن قاچماق اوچون دولفی‌نین قارنینا یاپیشیب. دولفین اوختاپوسو اؤز بدنیندن آییرماق اوچون مجبور قالیب ایكی دفعه سودان ائشیگه آتیلا و تازادان سویا شیرجه وورا. گنزالوون دئدیگینه گؤره نهنگلرین بو عادتی اولار و اونلار بدنلرینه یاپیشمیش موزاحیم حیوانلاری قوپارماق اوچون سودان ائشیگه آتیلیب اؤزلرینی مؤحكم سویا چیرپارلار. | ||
شرقی آذربایجانین 160 مین هكتار یئری صحرایا چئوریلیر
یازار : میرزه عبدالصمد ملکی | بؤلوم : خبرلر
+0 به یه ن
|
|
|
|
 |
|
|
شرقی آذربایجانین طبیعی منبعلر ایداره‌سی‌نین رئیسی دئدی: اوستاندا 160 مین هكتاردان چوخ 7 بؤحران مركزی وار كی اونلارین چوخو ارومیه دریاچاسی‌نین اطرافیندا یئرله‌شیر. فارسین تبریزدن وئردیگی معلوماتا گؤره, سیروس داودی صحرالاشمانین قاباغین آلما گونو موناسیبتینه خبرنیگارلارا دئدی: صحرالاشماغین ضررلری‌نین قاباغین آلماغا گؤره اوستاندا چوخلی ایشلر گؤرولوب كی او جومله‌دن 140 هكتار یئرده آغاج اكیلماقدان آد آپارماق اولار. 338 هكتارلیق اكین یئرلرین اطرافیندا یئل‌سیندیران قوشولوب و 175 هكتار یئرده مرتعلرین احیاسی اوچون توخوم سپیلیب و ایصلاح عملیّاتلاری آپاریلیب. او دئدی كی ایداره‌نین اصلی برنامه‌سی جماعتین موشاریكتیندن حداكثر ایستیفاده‌نی آپارماقدیر. شرقی آذربایجانین طبیعی منبعلر ایداره‌سی‌نین رئیسی آرتیردی: بونا اینانیریق كی صحرالاشماغین قاباغین آلماغا تكجه یول هامی‌نین موشاریكتی‌ایله یاشیل فضانین آرتیرماسی و آغاج اكماقدیر. داودی بونا ایشاره ائله‌مكله كی صحرالاشماغین قاباغین آلماق مسئول‌لارین اصلی هدفیدیر, دئدی: امیدیمیز وار بو بخشه لازیم اولان بودجه‌نین تخصیص وئرماغی‌ایله صحرالاشماغین قاباغین آلماغا بیر ایشلر گؤروله. شرقی آذربایجانین طبیعی منبعلر ایداره‌سی‌نین رئیسی هابئله اوستان جماعتیندن ایسته‌دی اكین یئرلری‌نین اطرافیندا آغاج اكمكله صحرالاشماقلا موباریزه‌ده بیر آددیم گؤتورسونلر. |