كائیناتین بؤیوك سیرّلریندن بیری كشف اولدو
یازار : میرزه عبدالصمد ملکی | بؤلوم : تكنولوژی
+0 به یه ن
 |
||
|
ایندیكی نظریه‌لر چوخ بؤیوك و زیرپی اولدوزلارین اولماسین ردّ ائله‌سه‌ده عالیملر دؤرد اولدوز تانی‌ییبلار كی بو قایدالاری بوتونلوكده نقض ائلیر. آلمانین بن دانیشگاهیندا اولان تازا تحقیقلر گؤسه‌دیر كی بؤوه دومانلیغی كهكشهانیندا اولان بو اولدوزلار, بؤیوك ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر كی یئردن 160 مین ایل ایشیق ایلی اوزاقلیقدادیلار. ایسنانین معلوماتینا گؤره, 2010-جو ایلده ناسا موحقیقلری گونون 300 برابری اولان دؤرد بؤیوك اولدوز تاپیبلار. بوندان قاباق موحقیقلر سامان یولو كهكشانی و آیری كهكشانلاری رصد ائله‌مكله, اولدوزلارین ان بؤیوك اولماقلارینی گونون 150 برابر اولماسی قدر موعین ائله‌میشدیلر. آما تاپیلان اولدوزلار نظریه‌ده دئییلن اندازه‌نین ایكی برابریدیلر. آلمانین بن دانیشگاهیندا اولان تازا تحقیقلر گؤسه‌دیر كی بؤوه دومانلیغی كهكشهانیندا اولان بو اولدوزلار, بؤیوك ماژلان بولوتوندا (LMC) یئرله‌شن عظمتلی R136 اولدوزلار سالخیمی‌نین بیر قیسمتی‌دیلر كی یئردن 160 مین ایل ایشیق ایلی اوزاقلیقدادیلار. بؤیوك ماژلان بولوتو (LMC) سامان یولو كهكشانینا یاخین اولان اوچونجو كهكشاندیر.
بو دانیشگاهین موحقیقلری بیر كامپیوتری برنامه‌ده, R136 اولدوزلار سالخیمینا اوخشار مودئل دوزلدیبلر كی اوندا 170 مین اولدوز طبیعی جِرمله بیر-بیری‌نین كنارینا دوزولوبلر. بو عظمتلی اولدوز سیستمی‌نین زمان بویو دَییشمه‌لرینی حسابلاماق اوچون, جاذیبه اثرلری, اولدوزلار آراسی هسته‌ای عكس‌العمل‌لر و ایكی اولدوزون بیر-بیرنه دَیدیكلری زمان هر اولدوزدان آزاد اولان انرژی باره‌سینده, 150 مین موحاسیبه انجام تاپیب. پروفوسور «پاول كروپا» بو تحقیقی یازانلاردان بیری دئدییر: اولدوزلارین دوغولما یئرین نظرده آلمادان اونلارین دوغولماسی و شكل تاپماسی بیر موطلق و كولّی پدیده‌دیر و R136 اولدوزلار سالخیمیندا یئرله‌شن بو دؤرد عظمتلی اولدوز, اولوزلارین بؤیوكلویونون آخیر حدّینی گؤسه‌دیرلر.
سولدان ساغا: بؤوه دومانلیغی, R136 اولدوزلار سالخیمی
جوان اولدوزلارین نیسبی اؤلچولری. قیرمیزیدان آبی یه قدر | ||
قدر گئجه‌سی‌نین عمللری*Qədr gecəsinin əməlləri
یازار : میرزه عبدالصمد ملکی | بؤلوم : دین
+0 به یه ن
|
|
||
|
1. غوسل ائتمك. غوسل ائدركن بئله نیت ائتمه‌لی‌دیر: "احیا گئجه‌سی‌نین غوسلونو ائدیرم قوربتن ایلاللاه". بو غوسلون بؤیوك ثوابی واردیر. 2. سحره قدر اویاق قالیب عیبادتله مشغول اولماق. سحره قدر اویاق قالیب عیبادتله مشغول اولماغین معناسی بودور كی، اینسان دئییر: "ایلاهی، سن بو گئجه منه قورآن نازیل ائدیرسن و من ده بو گئجه سحره قدر اویاق قالیب اونو قارشیلاییرام." 3. مسجیده گئتمك. مسجیده گئتمگین معناسی بودور كی، اینسان اؤز مقصدینی تعیین ائدیر. یعنی: "ائی آللاهیم، بو گئجه من فساد و پوزغونلوق اولان یئرلره گئده بیلردیم. لاكین من سنین راضی‌لیغینی قازانماق اوچون سنین ائوینه گلمیشم و گله‌جك خوشبختلیگیمی موعین‌لشدیریرم." 4. قدر گئجه‌سی‌نین نامازی، قدر گئجه‌سینده قیلینان نامازین بؤیوك شرافتی واردیر. قدر گئجه‌سی‌نین نامازی شام و خیفتن نامازلاری ایله صوبح نامازی آراسین‌داكی واختدا قیلینیر. قدر گئجه‌سی‌نین نامازی‌نین قایداسی بئله‌دیر: نیت: "قدر گئجه‌سی‌نین نامازینی قیلیرام قوربتن ایلاللاه". صوبح نامازی كیمی ایكی ركعتلی‌دیر. لاكین هر حمد سوره‌سین‌دن سونرا 7 دفعه موبا‌رك "اخلاص" سوره‌سی اوخونما‌لی‌دیر. نامازی قورتاردیقدان سونرا آلینی سجده‌یه قویا‌راق یئتمیش دفعه "استغفرالله و اتوب الیه" دئییلیر. ایمام صادق (ع) بویورور: "هر كس بو نامازی قیلدیقدان سونرا سجده‌یه گئدیب یئتمیش دفعه " استغفرالله و اتوب الیه" دئیرسه، سجده‌دن قالخمامیش الله تعالا اونون اؤزونون و آتا-آناسی‌نین گوناهلارینی باغیشلایار." 5. قورآنی باشا قویوب الله تعالا ، پیغمبرین و ایماملارین آدلارینا آند وئرمكله الله تعالا گوناه‌لاری‌نین باغیشلانماسینی، دونیا و آخیرت ایستكلرینی بیلدیرمك. بو عملین معناسی الله تعالا اینسان اوچون گؤندردیگی كیتابی باشی اوسته قورویوب ساخلاماق دئمكدیر. یعنی: "ائی آللاهیم، سن منه حؤرمت ائدیب كیتاب گؤندریرسن، من‌ده اونو اؤزوم اوچون رهبر و یول گؤرسه‌دن تعیین ائدیر و اونو همیشه باشیم اوستونده قورویوب ساخلایاجاغام". حضرت پیغمبر (ص) بویورور: "هر كس قورآنی اؤزونه رهبر ائتسه، قورآن اونو جنّته آپارار. هر كس قورآنی آرخادا قویسا و اونو اؤزونه رهبر ائتمه‌سه، قورآن اونو جهنّمه طرف یؤنلدر." (یعنی، هر كیم قورآنی اوخویوب اونا عمل ائدرسه و اونا تابع اولارسا، قورآن اونو جنّته آپاریب چیخارار. لاكین قورآنا تابع اولمایان شخص، قورآن اوخوماغینا باخمایا‌راق، جهنمه واصیل اولار.) قورآنی باشا قویوب الله تعالا و 14 معصوما آند وئرمگین معناسی بودور كی، "ائی آللاهیم، من سنه و سنین ان ایستكلی بنده‌لرینه آند وئریب توبه ائدیرم و سندن اؤز ایستك و احتیاجلاریمی دیله‌ییرم." ادامه مطلب yazının ard | ||
تبریزین مركزی كیتابخاناسیندا 5 مین داش چاپ كیتابی وار
یازار : میرزه عبدالصمد ملکی | بؤلوم : اجتماعی
+0 به یه ن
|
|
||
|
شرقی آذربایجانین عمومی كیتابخانالار مودیری تبریزین مركزی كیتابخاناسیندا 3 مین نوسخه ال یازی و 5 مین نوسخه داش چاپ كیتابین اولماسیندان خبروئردی. فارسین تبریزدن وئردیگی معلوماتا گؤره, حسن رضایی دئدی: كیتابخانالار جامیعه‌لرین فرهنگ و مدنیتلری‌نین نومادلاری ساییلیر و تبریز كیتابخاناسی‌دا قدیمی اولدوغو اوچون و مینلر نوسخه دَیرلی و ارزیشلی كیتابی اؤزونده ساخلادیغی اوچون اوستانین و اؤلكه‌نین فرهنگی ویترینی ساییلیر. او بو كیتابخانانین اؤلكه‌ده‌كی یئرینه ایشاره ائدیب دئدی: تبریزین مركزی كیتابخاناسی كیتابخانالارین ایچینده ان غنی و ان بؤیوك كیتابخانادیر. او آرتیردی: بو كیتابخانا 3 میندن آرتیق خطی نوسخه و 5 میندن آرتیق داش چاپ كیتاب و 250 مین نوسخه كیتابلا, منبع و آیری فاكتورلار اساسیندا اؤلكه‌نین ان مومتاز عمومی كیتابخاناسی ساییلیر. | ||
ایسلامی عیرفاندا اوروج
یازار : میرزه عبدالصمد ملکی | بؤلوم : دین
+0 به یه ن
|
|
||
|
اوروجون فلسفه‌سی ظاهیری اؤتمك و ایلاهی ویصالا چاتماقدیر. عاریفلر قورآنین آیه‌لریندن ایستیفاده ائدیب بو نتیجه‌یه یئتیشیرلر كی اوروج بونا گؤره واجیب اولوب كی اینسانی ایلاهی ویصالا چاتدیرسین. ایسلامی عیرفاندا شرعی حؤكمدن باشقا آیری بیر شئی یوخدور آما عاریفلرین اوروجو عادی جماعتدن فرقلی اولور . ایكی دلیله گؤره: بیر بو كی عاریفلرین توتدوقلاری موستحبی اوروجلار, عادی جماعتین توتدوقلاریندان چوخ اولور. ایكینجی دلیل‌ده بودور كی اونلارین اوروجلاری كیفیت جهتیندن فرقلی اولور. مثلاً قورآندا گلیب كی آللاه اوروجو عیبادت كیمی موقرر ائدیب تا جماعت تقوایا ال تاپسین, آما عاریفلر بو حدّه قانع دئییل‌لر. عاریفلر قورآنین آیه‌لریندن ایستیفاده ائدیب بو نتیجه‌یه یئتیشیرلر كی اوروج بونا گؤره واجیب اولوب كی اینسانی ایلاهی ویصالا چاتدیرا. بونا گؤره عاریفلر اؤز كیتابلاریندا دئییرلر كی اوروج شریعتده یئییب ایچمكدن چكینمك معناسیندادیر, آما حقیقتده اوروج دونیادان اوز چئویرمك و اونا دیقّت ائتمه‌مكدیر. یعنی نه اینكی بیز یئییب ایچمكدن واز كئچیریك, بلكه بوتون كائیناتا دا گؤز یوموروق و فقط آللاهی گؤروروك. بونا گؤره دئییردیلر بدنین اوروجو, بدنی یئمكدن ساخلاماقدیر, آما اورگین اوروجو, اورگی شیطان وسوسه‌لریندن و گوناه باعیث اولان فیكیرلردن اوزاق ساخلاماق معناسینادیر. عاریفلرین اینامینا گؤره اوروج گرك ایستیغراق مرحله‌سینه یئتیشدیره. یعنی ایلاهی موشاهیده دریاسینا گیره‌له كی اوردا اوروجون اورتاسیندا آللاهی گؤره‌لر. بونا گؤره لقاءاللها اینانیردیلار. معنوی اوروج اودور كی اوندا فقط معنویت و تماماً آللاها دیقّت ائله‌مك وار. مولانا بویورور عادی اینسان آغزینی باغلیر كی آرتیق غذا یئمه‌سین, آما عاریفلر آغیزلارین باغلیرلار كی آللاهدان سونرا هئچ نه‌یی گؤرمه‌سینلر. عاریفلر وصل دالیسیجاندیلار و بونا گؤره اوروجلوق آیین نه فقط بركت آیی بلكه ایلاهی وصل آیی بیلیرلر. جماعت اوروجلوقدا اوروج توتور كی بیر شئی اله گتیرسین و بیر ثواب آپارسین, آما عاریفلر اوروج توتورلار كی آللاهی اله گتیرسینلر. بوردادیر كی عاریفلرینن آیریلارین فرقی بیلینیر. مولانا گؤزل میثال وورور و
دئییر سیز بیر نفرین قوناقلیغینا گئتسیز, سیزه گتیریلن آشی یئمه‌سیز و یا آز
یئسیز, ائو صاحیبی معرفت اهلی اولسا سیزه داها یاخشی آش گتیره‌جك. مولانا بویورور
اوروجلوقدا, عاریف معمولی غذالاری یئمه‌یَنده, ایستیر آللاها
دئسین كی منه وئردیگین بو غذالار منیم جانیما موناسیب دئییل و منه داها یاخشی غذا
وئر. بونا گؤره ایسلامی عاریفلر نظرینده, اوروج, ظاهیری سووب ایلاهی عیرفانا
چاتماق معناسیندادیر.
| ||
دونیانین ان بؤیوك ایفطار سوفره‌سی
یازار : میرزه عبدالصمد ملکی | بؤلوم : دین
+0 به یه ن
|
|
||
|
تركیه‌نین استانبول شهری دونیانین ان بؤیوك ایفطار سوفره‌سی‌نین آچیلماسینا شاهید اولدو كی 42 مین نفری اؤز باشینا ییغدی و دونیا ركوردلاری كیتابی (گینئس)ده ثبت اولدو. استانبول موسلمانلاری خیاباندا ایفطار میزی دوزماقلا دونیادا ان بؤیوك ایفطار میزی ركوردونو اؤز آدلارینا ثبت ائده‌لر. آلمان خبر گوزاریسی معلوماتینا گؤره: تركیه‌نین استانبول شهری دونیانین ان بؤیوك ایفطار سوفره‌سی‌نین آچیلماسینا شاهید اولدو كی 42 مین نفری اؤز باشینا ییغدی و دونیا ركوردلاری كیتابی (گینئس)ده ثبت اولدو. تركیه‌نین "تی آر تی" شبكه‌سی اعلام ائله‌دی, ایستانبولون اسنلر منطقه‌سینده دوزولن بو سوفره اوچون یئددی مین میزدن ایستیفاده اولوب كی 10 كیلومتر اوزونلوغوندا سوفره دوزولسون. بو سوفره‌نین اوستونده, 10 تون دویو و 8 تون ات خورگی و 1500 سینی گؤی قویولموشدی. قاباقكی ركورد آمریكانین ایدی كی 16 مین نفری اؤز باشینا ییغمیشدی | ||
