موسلمانلارین عیزّتی بیرلیك كؤلگه‌سینده اولار
یازار : میرزه عبدالصمد ملکی | بؤلوم : دین
+0 به یه ن
موسلمانلارین عیزّتی بیرلیك كؤلگه‌سینده اولار
موسلمانلاری عیزّتی و اونلارین آراسیندا قان تؤكمگین دایانماسی‌نین تكجه یولو بیرلیك و ایسلامی تقریبدیر.
قورآن كریم، « واعتصموا بحبل الله جمیعا و لاتفرقوا» آیه‌سینده حبل (ایپ) كلمه‌سیندن ایستیفاده ائدیر. عرب ادبیّاتیندا قورآندان قاباق بو كلمه‌دن بو معنادا ایستیفاده اولماغین سابیقه‌سی یوخدور.
قورآن ایستیر دئسین داغیلمیش اومّت بیر اینسانا اوخشور كی قویویا دوشوب و گرك اؤزونو بو ایپله ائشیگه چیخاردا. بوردا دا بو نوكته‌یه ایشاره اولور كی ایسلام اومّتی داغیلاندا تكجه ایلاهی ایپه چنگ وورماقلا نجات تاپا بیلر.
رحمتلیك كاشف‌الغطانین دئدیگی كیمی اینانیلمازدیر كی بیر نفر بیرلیگی ضررلی و داغیناقلیغی فایدالی بیلسین. نئجه كی 1355-جی قمری ایلینده «شیعه عصری» كیتابی‌نین موقدّمسینده بو نوكته‌نی خاطیرلادیبلار.
ایسلام اومّتی بیرلشیب واحید اولسا بو قان تؤكمه‌لر و ساواشلار قورتولار و موسلمانلارین ناموسلاری حیفظ اولار. بیرلیك كؤلگه‌سینده ایسلام تورپاقلارینا، بیگانه‌لرین حمله‌سی دایانار و موسلمانلارین عیزّتی حیفظ اولار.
بیز تقریب و بیرلیگه چاغیریریق آمّا بو تقریب تذویب معناسیندا دئییل. بیز بونو ایسته‌میریك كی شیعه سونّیده ذوب اولوب اریسین. بیز چالیشیریق بوتون موشترك نوكته‌لره تأكید ائله‌مكله وحدته طرف گئدك و تفرقه‌لی مسأله‌لردن اوزاق اولاق. ایسلام اومّتی‌نین اعتیقادلاری‌نین یوزده دوخسانی موشتركدیر و بیز بو نوقطه‌لره تأكید ائله‌سك وحدت حاصیل اولار.
پورتاغال قابیغیندان ارزیشلی شیمیایی مادّه دوزلیر
یازار : میرزه عبدالصمد ملکی | بؤلوم : تكنولوژی
+0 به یه ن
پورتاغال قابیغیندان ارزیشلی شیمیایی مادّه دوزلیر
بریتانیالی موحقیقلر چالیشیرلار بیر تكونلوژینی صنعتیلشدیرسینلر و میكرو دالغادان ایستیفاده ائدیب پورتاغال قابیغیندان ارزیشلی شیمیایی مادّه دوزلتسینلر.
یورك دانیشگاهی‌نین، تازالانانلارین توسیعه‌سی مركزی‌نین تیمی، بونا اینانیرلار كی غذایی محصوللار و ائولرده اولان مادّه‌لردن ایستیفاده ائدیب اوجوز وجهله شیمیایی مادّه‌لر دوزلتمك اولار.
بو تحقیقاتی مركزین مودیری، مگی اسمال وود دئییر: تكجه برزیلده، ایلده سككیز تون پوتاغال قابیغی تولید اولور. بونلارین یاریسی ائشیگه آتیلیر و بو مسأله اونلارین آرادان آپارما موشكولونو آرایا گتیریر. آما بو تكنولوژینی صنعتلشدیره بیلسك، پورتاغال قابیغی ارزیشلی شیمیای مادّه‌لره بؤیوك منبع اولاجاق.
یورك دانیشگاهی‌نین یاشیل شیمی تیمی‌نین اعضاسی طرفیندن تولید اولان بو تكنولوژی، میكرو دالغادان ایستیفاده ائدیب قابیغی اوكسیژنسیز بیر موحیطده قیزیشدیریر و یوخاری فیشار تولیدی ائدیر.
بو تكنولوژی اسید هیدرولیزینی چوخالدیر و اسید هیدرولیزینده، سلولوزی مولوكوللارینی شكله تبدیل ائدیر. بیر پروسه كی میكرو دالغاسیز ایمكانسیزدیر.
بو مرحله‌دن سونرا شیمیای مادّه‌لر او جومله‌دن لیمونئن (تمیزله‌ییجی محصوللاردا ایستیفاده اولونان عطیر مادّه‌سی) و پكتین (مورابّا حاضیرلانماسیندا ایشله‌نن ژل عامیلی) تولید اولور.
مارك پرونوون دئدیگینه گؤره، معمولاً پكتین مورابّادان باشقا هئچ زاددا ایشلنمز آما اونون تولیدی چتیندیر.
بو دانیشگاهین موحقیقلری بیر دستگاه دوزلدیبلر كی بیر ساعتده 30 كیلو پورتاغال قابیغینی گلیشدیریر و اومودلری وار بو تكونولوژینی میلیونلار تون قابیغی گلیشدیره بیله‌جك سطحده قاباغا آپارسینلار.
برائت حؤكمو * حكم البرائة
یازار : میرزه عبدالصمد ملکی | بؤلوم : حكایه لر
+0 به یه ن
برائت حؤكمو * حكم البرائة
بیر خانیم ائولنیر و آلتی آیدان سونرا اوشاغی اولور. معروف بودور كی خانیم یئددی آی و یا دوققوز آی حامیله‌لیكدن سونرا دوغار. جماعت بئله گومان ائلیر كی او اری ایله وفالی دئییل و اوندان قاباق آیریسیندان حامیله اولوب. اونو آپاریرلار خلیفه‌نین یانینا كی اونو موجازات ائله‌سین. او زمانین خلیفه‌سی عثمان ایدی. اونون یانینا گئدنده گؤرورلر حضرت علی‌ده (ع) اوردادیر. حضرت علی (ع) اونلارا بویورور: «سیز گركمز بو سببه خاطیر اونو موجازات ائده‌سیز». تعجوب ائدیب سوروشورلار: «بو نئجه اولا بیلر؟» حضرت بویورور: « آللاه تعالا بویوروب : وحمله و فصاله ثلاثون اشهر (یعنی حامیله‌لیك و سوت وئرمك مرحله‌سی اوتوز آیدیر)(احقاف سوره‌سی آیه 15) و آللاه تعالا بویوروب: والوالدات یرضعن أولادهن حولین كاملین (آنالار اوشاقلارینا ایكی ایل تمام سوت وئرسینلر) (بقره سوره‌سی آیه 233) پس سوت وئرمك ایرمی دؤرد آی اولاندا، اولا بیلر كی حامیله‌لیك فقط آلتی آی اولسون.
حكم البراءة
تزوجت امرأة، وبعد ستة أشهر ولدت طفلا، والمعروف أن المرأة غالبا ما تلد بعد تسعة أشهر أو سبعة أشهر من الحمل، فظن الناس أنها لم تكن مخلصة لزوجها، وأنها حملت من غیره قبل زواجها منه.فأخذوها إلى الخلیفة لیعاقبها، وكان الخلیفة حینئذ هو عثمان بن عفان. فلما ذهبوا إلیه، وجدوا الإمام علیا(ع) موجودا عنده، فقال لهم: لیس لكم أن تعاقبوها لهذا السبب. فتعجبوا وسألوه: وكیف ذلك؟ فقال لهم: لقد قال الله تعالى: (وحمله وفصاله ثلاثون شهرا) (أی أن الحمل وفترة الرضاعة ثلاثون شهرا). وقال تعالى: (والوالدات یرضعن أولادهن حولین كاملین) (أی أن مدة الرضاعة سنتین. إذن فالرضاعة أربعة وعشرون شهرا، والحمل یمكن أن یكون ستة أشهر فقط
خلیفه و قاضی * الخلیفة والقاضی
یازار : میرزه عبدالصمد ملکی | بؤلوم : حكایه لر
+0 به یه ن
خلیفه و قاضی * الخلیفة والقاضی
خلیفه‌لرین بیری آداملارینا امر ائلیر كی شئیخی اونون یانینا چاغیرسینلار. شئیخ حاضیر اولاندان سونرا خلیفه دئییر: «سندن ایستیرم قضاوت منصبینی بوینونا آلاسان». شئیخ بو منصبی ردّ ائدیب دئییر: «منیم قضاوته صلاحیّتیم یوخدور». خلیفه بو جوابدان تعجوبلنیر و دئییر: «سن دوز دئمیرسن». شئیخ فوراً جواب وئریر: «پس سن‌‌ده حؤكم وئردین كی منیم صلاحیّتیم یوخدور». خلیفه سوروشور: «بو نئجه اولار؟» شئیخ جواب وئریر: «چونكی –سنین دئدیگین كیمی- من یالانچی اولسام، قضاوته لیاقتیم اولماز و یوخ دوز دانیشان اولسام دا سنه دئدیم كی منیم قضاوته صلاحیّتیم یوخدور».
الخلیفة والقاضی
طلب أحد الخلفاء من رجاله أن یحضروا له الشیخ، فلما حضر الشیخ قال له الخلیفة: إنی أرید منك أن تتولى منصب القضاء. فرفض الشیخ هذا المنصب، وقال: إنی لا أصلح للقضاء. وكان هذا الجواب مفاجأة للخلیفة، فقال له غاضبا: أنت غیر صادق. فرد الشیخ على الفور: إذن فقد حكمت علی بأنی لا أصلح. فسأله الخلیفة: كیف ذلك؟فأجاب الشیخ: لأنی لوكنت كاذبا- كما تقول- فأنا لا أصلح للقضاء، وإن كنت صادقا فقد أخبرتك أنی لا أصلح للقضاء
چوخ شك ائدن * الشكاك
یازار : میرزه عبدالصمد ملکی | بؤلوم : حكایه لر
+0 به یه ن
چوخ شك ائدن * الشكاك
واسواسی و چوخ شك ائدن بیر كیشی گلیر شئیخین مجلیسینه. اوتوراندان سونرا شئیخدن سوروشور: «من دفعه‌لرله سویا باتیب چیخمیشام (یویونموشام) و اونونلا بئله شك ائدیرم كی طاهیر اولموشام یا یوخ، سنین نظرین بو باره‌ده نه‌دیر؟» شئیخ جواب وئریر: «چیخ گئت، ناماز سندن ساقیط اولدو!»
كیشی تعجوب ائدیب دئییر: «آخی او نئجه اولار؟» شئیخ جواب وئریر: «چونكی پیغمبریمیز بویوروب: اوچ نفردن قلم گؤتورولوب: دلیدن او گونه قدر كی عاغیللانا، یاتمیش آییلانا قدر و اوشاق بالیغ اولانا قدر». و هر كیم سنین كیمی دفعه‌لرله سویا باتیب چیخا و یئنه شكّ ائلیه كی غوسل ائدیب یا یوخ، بئله بیر آدام شكسیز دلیدیر.
الشكاك
جاء أحد الموسوسین المتشككین إلى مجلس الشیخ ، فلما جلس، قال للشیخ: إنی أنغمس فی الماء مرات كثیرة، ومع ذلك أشك: هل تطهرت أم لا، فما رأیك فی ذلك؟فقال الشیخ: اذهب، فقد سقطت عنك الصلاة.فتعجب الرجل وقال له: وكیف ذلك؟فقال الشیخ:لأن النبی صلى الله علیه وسلم قال: " رفع القلم عن ثلاثة: المجنون حتى یفیق، والنائم حتى یستیقظ، والصبی حتى یبلغ ". ومن ینغمس فی الماء مرارا - مثلك- ویشك هل اغتسل أم لا، فهو بلا شك مجنون