din xadimi دین خادمی

زلزله‌دن سونرا كیملر ایسترسه موبتلا اولار

ژاپوندا تازا آراشدیرمالار گؤرسدیر كی بئیینلری‌نین بللی بؤلومونده ضعیف رابیطه‌لری اولانلار حادیثه‌دن سونرا ایضطیراب و ایتسرسه موبتلا اولارلار. مهرین وئردیگی خبره گؤره, بو آراشدیرما كؤمك ائلیر كی حادیثه‌دن قاباق, كیمین حادیثه ‌اثرینده, اوزون مودّت منفی عاریضه‌لره موبتلا اولماسی بللی اولسون. بو آراشدیرمادا موحقیقلر 30 یئنی‌یئتمه‌نین ایطیلاعاتینی كی 2011 زلزله‌سینی تجروبه ائله‌میشدیلر, تجزیه و تحلیل ائدیبلر. موحقیقلر اونلارین بئینینی زلزله‌دن قاباق آیری منظورا گؤره‌ده ایسكن ائله‌میشدیلر. بو مسأله باعیث اولدو كی موحقیقلر بو یئنی‌یئتمه‌لرین بئیینلرینی زلزله‌دن سونرا دا تازادان آراشدیرسینلار. دؤكتور آتسوشی سكیگوچی توكیو دانیشگاهیندان دئییر: بو آراشدیرمانین نوجوانلاریندان ایسته‌دیك كی بیر سئری سوآللارا جواب وئرسینلر كی اونلارین ایضطیراب میقداری بللی اولسون. آجی بیر حادیثه‌دن سونرا یوخاری ایضطیراب, ایسترس ایختیلالیندان خبر وئریر. موحقیقلر بئینین آغ ماده‌سینده‌كی تغییره دیقّت یئتیریبلر. بو آغ مادّه بئینین رابیطه‌سینی تشكیل وئریر. ائله بیر رابیطه كی بئینه بو ایمكانی یارادیر كی موختلیف قیسمتلری بیر-بیری ایله رابیطه‌سی اولسون. حادیثه‌ باش وئرمه‌میشدن, بئیینلری‌نین قاباق ساغ طرفلرینده, رابیطه‌لری ضعیف اولانلار, زلزله‌دن سونرا داها چوخ ایضطیرابلاری اولور.

	اینسانین منفعتی هاردادیر؟
اینسان هر گون اؤز احتیاجلارینی تأمین ائتمگه چالیشیر و بو چالیشمانین نتیجه‌سی تكجه اونون اؤزونه فایدا وئریر. ساییر حیوانلار ‌دا بئله‌دیر آما اینسانین اونلارلار فرقی بودور كی اولا بیلر كی اینسانین چالیشماسیندا, تكجه مقصد مادّی فایدالار اولماسین, بلكه اینسان داها گئنیش فایدالارین دالیسیجا اولسون. او بوتون كاییناتی اؤزو بیلر و ساییر اینسانلارا دا كؤمك ائتمگه چالیشیر. اینسان بو حاللاردا اؤز واقعی هویّتینی تاپیر و واقعی اینسان اولور. فیلسوفلارین هامیسی بو مسأله‌ده كی اینسان لذّت و منفعت قازانماق و درد و آغریدان اوزاق اولماق دالیسجادیر, بیر عقیده‌ده‌دیلر. آما اونون نوعوندا ایختیلافلاری وار. بیر عیدّه فردین اصالتینه اینانیرلار و بیر عیدّه جامیعه‌نین اصالتینی قبول ائدیرلر. بیر عیده‌ده هم فردین و هم جامیعه‌نین منقعتینی نظرده آلیر كی ایسلام دینی‌ده دقیقاً بو مسأله‌نی اؤیردیر. اینسان بو كمالا چاتسا كی بو مسأله‌نی بیله كی كایینات او اؤزودور, داها شخصی منفعتلرله جامیعه منفعتلری بیر خط اوستونده اولاجاق و بیر بیریندن آیری اولمایاجاق. عیناً دریانین سویو كیمی كی دریا همان سودور و سو همان دریادیر. دریا اولماسا سو اولماز و سو اولماسا دریا اولماز و بو دریانین هر قطره‌سینه صادیقدیر. و یا آیری بیر میثال: قویوغون هر تیكه‌سی قویوق اؤزودور و قویوق او تیكه‌لردن عیبارتدیر. اونون هر تیكه‌سی صدمه گؤرسه قویوق دلینمیش ساییلیر و داها اؤزو اولمور.

منه ناماز دوشمور !!!

دوستلارین بیری یازمیشدی: دونن آلتی آیدان سونرا ، یئنیدن ناماز قیلماق قرارینا گلدیم. دوروب دستاماز آلیب ، بیز بیز توكلرین اوستونه مسح چكیب، هامیسینی یاتیرتدیم. بویون سحر چاغی‌دا دوروب سحر نامازینی قیلیب، اوخولا گئتمگه یولا دوشدوم. ایندی بی‌یول اژدها وارد میشود: سرویسی گؤزله‌ییردیم...بو حالدا بیردن بیر چرخچی ووردو منه، ییخیلیب تومان زاد جیریلدی. ایلك زنگ، «فیزیك» سیناو آلدی + كورلادیم. ایكینجی زنگ «زبان» سیناو آلدی، سوآللاری اؤنجه‌دن بیلیب، تغلوب یازمیشدیم، آنجاق بیر شوماره دوشمه‌میشدی، بوتون تئستی سوآللار یانلیش اولدو. اوچونجو زنگ «زیست» سیناو آلدی، آفتاها گؤتوردوم نومره‌یه. دؤردونجو زنگ‌ده «شیمی» سوروشوب 15 باسدی دفتره. آخشام كوكه آلیب گلنده، گیردیم قنووا. گئجه‌ده دیشیم قودوردو... * دای بو سونوجا یئتیشدیم كی ناماز منه دوشمور و بوندان بویانادا قیلمیاجیام! ساكی دئدیك ناماز قیلساق،آلله لوطفون چوخالدار، آنجاق بویون یئر-گؤیدن یاغدی منه.... آلله جانیم! بو نه موسلمان‌چیلیقدی با اااا؟ دئگینن گؤراخ بیر؟؟؟؟؟ جوابینا یازدیم: بیلیرسن نیه سنه ناماز دوشمور؟ سن نامازینا ایدامه وئرسه ایدین ایشین حتماً حل اولاردی. آخی سنین مثلین بونا بنزر كی بیر گؤزل كاسانی اود اوستونده داغلادیبسان و ایندی ایستیسن اونا شیرین شربت تؤكه سن, كاسا داغ اولدوغوندان اوّلده بیر تاسیلدار و های كویو گؤیه قالخار, آما یاواش یاواش حیرصی یاتار و آرام اولار.

همبرگرین ایچیندن اینسان بارماغی چیخدی !
فارسین وئردیگی خبره گؤره, قوم شهرینده بیر همبرگر بسته‌سیندن اینسان بارماغی‌نین بیر بندی چیخدی. بیر موشتری بونو خبر وئردی و نهایتاً اونو تولید ائدن كرخانا تاپیلدی و تعزیرات ایداره‌سی طرفیندن پولومپ اولاندان سونرا تحقیقاتا باشلاندی. بو كرخانانین آدینی اعلام ائتمه‌ییبلر.

	عفونت اییی وئرن دونیا ! * عالم رائحته نتنة!
نقل اولوب كی بیر كیشی یئنی بینایا گئدیر. هر گون ائشیگه چیخاندا حیرصلنیر, چونكی پیس اییلر هر یئری بورویوب. ائوده‌ده همیشه بو اییه خاطیر حیات‌یولداشینا قیشقیریر, بیر حدّه‌دك كی زیندگانلیغی آجی‌یا دؤنموشدو چونكی بو ایی حتّا ایشینده‌ده اونو تعقیب ائدیردی. كیشی اؤز خاطیره‌لرینده عفونت اییی ایله دولو دونیادن یازدی و یاتدی. حیات‌یولداشی اونا حسرتله باخدی و اونا دئیه بیلمه‌دی كی « بو سنین ایییندیر كی همیشه سندن یاییلیر . .!» بعضی واختلار او بیرلری تمیزله‌مكدن اؤنجه اؤزوموزو تمیزله‌مه‌لی‌ییك.   عالم رائحته نتنة! یحكى أن رجلاً جاء إلى عمارة جدیدة، وكان كل یوم یخرج وهو غاضب لأن الروائح السیئة تسیطر على المكان. وفی البیت كان دائم الصراخ على زوجته بسبب هذه الروائح، التی باتت تعكر حیاته بسبب ملاحقتها له حتى فی عمله. كتب الرجل فی خواطره عن العالم الذی رائحته نتنة، ونام وزوجته تنظر إلیه بحسرة وهی لا تستطیع أن تقول له "إنها رائحتك التی تطاردك".! بعض الأحیان نحن بحاجة لتنظیف أنفسنا قبل تنظیف الأخرین!