din xadimi دین خادمی

نهج البلاغه مكتوبلار 6

 6-جی مكتوب

امام علی علیه السلامین معاویه‌یه اولان مكتوبلارینداندیر (كی، اونو شاما جریر ابن عبدالله بجلّی واسطه‌‌سی ایله گؤندریب و اوندا اؤز خلافتی‌نین حق و دوزگون اولماسینی ثبوت ائده‌رك عثمانی اؤلدورمكدن اوزاق اولدوغونو آچیقلاییب):

ابو بكر، عمر و عثمانلا بیعت ائدنلر (اونلاری خلافته تعیین ائدنلر) همین یوللا منیمله بیعت ائده‌رك عهد- پیمان باغلادیلار (ایشلرین اداره‌سینی منه تاپشیردیلار). اودور كی، (خلافتین الله و پیغمبر طرفیندن تعیین ائدیلمه ایله دئییل، امّتین عمومی نظری ایله برقرار اولماسینا و جماعتین عمومی توافقه گله‌رك ابو بكر، عمر و عثمانی خلیفه تعیین ائتمه‌لرینه عقیده‌‌ بسله‌ین سیزلر بیلمه‌لیسیز كی، منی ده خلافته همین شخصلر، یعنی، جماعت كوتله‌سی تعیین ائدیب. بونا گؤره ده) اورادا (بیتده) اولانلارین (طلحه و زبیر كیمیلرین) اوندان باشقاسینی سئچمك حقلری یوخدور. اوردا اولمایانین دا (سنین كیمیلرین ده) اونو قبول ائتمه‌مك حقی یوخدور. (سیزین عقیده‌‌نیزه گؤره خلافت مسأله‌‌سینده) مشورت ائله‌مك مهاجرلرین (مكّه‌دن مدینه‌یه گله‌رك حضرت پیغمبره-صل الله علیه و آله- قوشولانلارین) و انصارین (مدینه‌ده حضرت پیغمبره ایمان گتیره‌رك یاردیم ائدنلرین) حقیدیر. اونلار توپلاشاراق بیر نفری خلیفه و امام آدلاندیرسالار، الله‌ین راضیلیغی دا همین ایشده اولار. اگر كیمسه (خلیفه‌ده) عیب و نقصان تاپماسی سببیندن (بهانه‌سی ایله، مثلا، معاویه‌نین عثمانین اؤلدورولمه‌سینی اونا نسبت وئرمه‌سی كیمی) و یا (دینده روا اولمایان شئیی اونا داخل ائتمك طلحه، زبیر و اونلارین طرفدارلاری‌نین عهد- پیمانلارینی پوزمالاری كیمی) بدعت نتیجه‌سینده اونلارین امرلریندن (اونلارین گؤردوكلری ایشلردن) بویون قاچیرسا، اونو اطاعت ائتمگه وادار ائدرلر. اگر (اؤیود- نصیحت فایدا وئرمسه و) اونلارین گؤستریشلرینی قبول ائتمسه، (سیزین عقیده‌‌نیزه گؤره) اونونلا مؤمنلرین یولوندان باشقا بیر یول ایله گئتدیگی اوچون ووروشارلار. الله (دا) اونو اوز توتدوغو شئیین عهده‌سینه بوراخار.

ائی معاویه، جانیما آند اولسون، اگر عاغلینا مراجعت ائتسن (فكره دالیب دوشونسن) و نفسی ایستكلرینه گؤز یومسان، (یئرسیز دانیشماز، عثمانین اؤلدورولمه‌سینی منیمله پیمان باغلاماماغینا بهانه گتیرمزسن) گؤررسن كی، من عثمانین قانیندا (اؤلدورولمه‌سینده) ان تمیز آدام اولموشام؛ بیلرسن كی، من اوندان اوزاقلاشاراق بیر گوشه‌یه چكیلمیشدیم. آمّا سن (نفسی ایستكلره اویاراق) بهتان آتیب اونون اؤلدورولمه‌سینی منه نسبت وئریرسن و سنه معلوم اولان شئیی گیزله‌دیرسن. سلاما لایق كیمسه‌یه سلام اولسون!

و من كتاب له علیه السلام إلى معاویة

إِنَّهُ بَایَعَنِی الْقَوْمُ الَّذِینَ بَایَعُوا أَبَا بَكْرٍ وَ عُمَرَ وَ عُثْمَانَ عَلَى مَا بَایَعُوهُمْ عَلَیْهِ فَلَمْ یَكُنْ لِلشَّاهِدِ أَنْ یَخْتَارَ وَ لَا لِلْغَائِبِ أَنْ یَرُدَّ وَ إِنَّمَا الشُّورَى لِلْمُهَاجِرِینَ وَ الْأَنْصَارِ فَإِنِ اجْتَمَعُوا عَلَى رَجُلٍ وَ سَمَّوْهُ إِمَاماً كَانَ ذَلِكَ لِلَّهِ رِضًا فَإِنْ خَرَجَ عَنْ أَمْرِهِمْ خَارِجٌ بِطَعْنٍ أَوْ بِدْعَةٍ رَدُّوهُ إِلَى مَا خَرَجَ مِنْهُ فَإِنْ أَبَى قَاتَلُوهُ عَلَى اتِّبَاعِهِ غَیْرَ سَبِیلِ الْمُؤْمِنِینَ وَ وَلَّاهُ اللَّهُ مَا تَوَلَّى‏ وَ لَعَمْرِی- یَا مُعَاوِیَةُ- لَئِنْ نَظَرْتَ بِعَقْلِكَ دُونَ هَوَاكَ لَتَجِدَنِّی أَبْرَأَ النَّاسِ مِنْ دَمِ عُثْمَانَ وَ لَتَعْلَمَنَّ أَنِّی كُنْتُ فِی عُزْلَةٍ عَنْهُ إِلَّا أَنْ تَتَجَنَّى فَتَجَنَّ مَا بَدَا لَكَ وَ السَّلَامُ

قدر گئجه‌سی‌نین عمللری

تفرقه و تكفیر اودونو قیزیشدیران پئیك تی وی كاناللاری

بو گون اسلام دونیاسی همیشه كیندن داها چوخ وحدته احتیاجلیدیر. شیعه و سنی‌لر تكفیرچی جریانلارین قارشیسینی آلماق اوچون بیرلشمه‌لیدیرلر.

 بو گون اسلام دونیاسی همیشه كیندن داها چوخ وحدته احتیاجلیدیر. شیعه و سنی‌لر تكفیرچی جریانلارین قارشیسینی آلماق اوچون بیرلشمه‌لیدیرلر. بو یؤنمده آتیلا‌جاق آددیملاردان بیری ده دشمن ده ییرمانینا سو تؤكن و فیتنه آلووونو گوجلندیرن شیعه‌لیك یا سنی‌لیك مدافعه‌سی آدی آلتیندا فعالیت گؤسترن پئیك كاناللاری ایله مبارزه آپارماقدیر.

ایكنا : بو گون اهمیت كسب ائدن مسئله‌لردن بیری ده دشمن ده ییرمانینا سو تؤكن و مسلمانلار آراسیندا فیتنه و تفرقه آلووونو گوجلن‌دیرن پئیك تی وی كاناللاری ایله مبارزه آپارماق و بو جور تخریبچی و تخریباتچی كاناللاری انسانلارا تانیتدیرماقدیر.

اسلام دینی و قرآنین اوزرینده تأكید ائتدییی مسئله‌لردن بیری ده مسلمانلارین وحدتینی قوروماقدیر. وحدت اسلامین اؤزودور. الله-تعالی قرآندا بویورور كی،

«واعتصموا بحبل الله جمیعا و لاتفرقوا»

"هامی‌لیقلا الله ایپینه ساریلین و آیریلمایین".

اما تأسفلر اولسون كی، اسلام دشمنلری مسلمانلارین جاهل و كورفیكیر عنصرلرین‌دن استفاده ائده‌رك اسلامی مذهب‌لرین آراسیندا تفرقه و تكفیرچی‌لیك كیمی قورخولو جریانلاری یارادا بیلیبلر.

ایران اسلام انقلابی‌نین ایلك گون‌لرین‌دن امام خمینی(ره) و اوندان سونرا ایسه آلی دینی لیدر امام خامنه ای بو مسئله‌یه همیشه اؤنم وئرمیش و وحدتی آرا‌دان آپارا‌جاق هر بیر آددیم ایله مبارزه آپارمیشلار.

امام خمینی‌نین (ره) 1357 و 1360 –جی شمسی ایللرین‌دكی (1978 -1980) توصیه‌لرین‌دن: "اومید ائدیرم كی، قارداش اولاق، هامی‌لیقلا اؤلكه‌میزین مصلحتی اوچون چالیشاق، استكبارچی قوه‌لرین الینی اؤلكه‌میزدن كسه ك. بوتون مسلمانلار "اعتصام" آیه‌سینه جدی یاناشسین‌لار... مسلمانلار بیر اولسایدی‌لار بو قدر ذلیل اولمازدیلار. بیز چالیشیب بیر اولا بیلمدیك، آمما اجنبی‌لر چالیشدی‌لار بیزی اؤز خئییرلرینه پارچالادی‌لار".

امام خامنه ای وحدت حاقیندا بویورور: "سنی و شیعه آراسیندا آیریلیق سالماق ایسته‌ین‌لر، وحدت علیهینه اولانلار، مذهب بهانه سیله ملی بیرلییه ضرر وورانلار دشمن مزدورودور، شیعه اولسون یا سنی، بیله‌رك‌دن اولسون یا سهواً فرق ائتمز... دشمنلر تكفیرچی‌لیگی و اونلارین جنایت‌لرینی یایا‌راق اسلامی دونیا انسان‌لاری‌نین گؤزوندن سالماق ایستییرلر. شبهه‌سیز كی، بو مسئله بیردن چیخماییب اورتایا، دشمن بونون اوچون اوزون زامانلار پروقرام حاضرلاییب".

غربین مسلمانلار آراسیندا تفرقه توخومو سپمك و مذهب ساواشینا گوجلن‌دیرمك اوچون اجرا ائتدیگی پروقرام‌لاردان بیری ده مختلف جاهل عنصرلردن استفاده ائده‌رك سنی یا شیعه مدافعه‌سی اوچون پئیك تی وی كاناللاری‌نین فعالیتی‌دیر.

بو كاناللاردان ان آكتیو‌لری و فیتنه آلووونو گوجلن‌دیرن‌لره مثال اولا‌راق "فدك"، "اهل البیت" و "سلام"آ ایشاره ائتمك اولار كی، غربین پروقرامی اساسیندا و اونلارین مادی یاردیمی ایله فعالیت ائدیرلر.

"اهل البیت" كانا‌لی:

حسن آللاه یاری آدلی بیر مزدور طرفین‌دن مدیریت اولونور. بو تی وی كانال رئیسی "محسنیه" (حضرت محسن نین (ع) آنا بطنین‌دن سقط اولماسی)، "عید الزهرا (س)" (عمرین قتلی) و دیگر بو جور پروقرام‌لارین اجراسینا و یاییلماسینا تشبث گؤستریر.

آللاه یاری امام خمینی (ره) كیمی بیر انسانی اموی و عباسی خلیفه‌لری ایله بیر حساب ائدیر.

آللاه یاری دئییر كی، بیز "ظهور" اوچون هئچ بیر ایش گؤرممه لییك.

او، شیعه‌لری قمه وورماق كیمی آخماق حركت‌لره تشویق ائدیر.

او، "حجتیه" جریانینی و شیعه‌لرین دیگرلرینی سؤیمه یینی تبلیغ ائدیر.

"ال-اسلام" كانا‌لی:

بو كانال سئكولار و سیاست‌سیز اسلام، باشقا سؤزلر دئسك آمریكا اسلامینی تبلیغ ائتمكله مشغولدور. كانالین مدیری محمد هدایتی آدله بیری‌سی‌دیر.

اصلینده ایسه اونلار ایرانین داخلی ایشلرینه قاریشیر، اسلام دؤلت رژیمی‌نین علیهینه تبلیغات آپاریر، اهل سنه مذهبینی تحقیر ائدیر، قمه وورماق كیمی ایشلری تبلیغ ائدیر، حتی بونو قرآنلا اساسلاندیریرلار.

"فدك" كانا‌لی:

بو كانالین ایش-گوجو یالنیز اهل سنه مقدس‌لرینی شیعه‌لر آدیندان تحقیر ائتمك‌دیر. بو كانا‌لی 2011-جی ایلدن باشلایا‌راق یاسر یحیی عبدالله الحبیب آدلی بیر منافق اداره ائدیر. او، 1977-جی ایلده آنا‌دان اولوب و كویت اونیورسیتئتی‌نین سیاسی علملر فاكولته‌سی‌نین مأذونودور.

او، 25 یاشیندا ایكن اهل سنه نی تحقیر ائتدیگی اوچون كویت دولتی طرفین‌دن حبس اولوندو. اوچ آی حبس چكدیك‌دن سونرا آمریكا خارجی ایشلر ناظرینین تأكیدی ایله حبس‌دن آزاد اولونور و اینگیلتره‌یه گئدیر. او، بورادا "شیعه نیوزپئیپر" قزئتینی و امام عسگری (ع) مدره‌سه‌سینی تأسیس ائتدی.

بوندان سونرا ایسه "سید الشهدا" آدلی بؤیوك بیر حسینیه تیك‌دیره‌رك ایش یئرینی بورا كؤچوردو و همین واقتدا "فدك" پئیك كانالینی دا تأسیس ائتدی.

او، عایشه‌نین اؤلدوگو گون بایرام كئچیره‌رك بونو جانلی یاییمدا ائفیره وئردی.

بو حادثه‌دن سونرا آیت الله خامنه ای بئله بیر فتوا وئردی: "اهل سنه مقدس‌لرینی تحقیر ائتمك و پیغمبرین (س) خانیما تهمت وورماق حرامدیر".

یاسر الحبیب بو فتوا‌دان سونرا امام خومینی، امام خامنه ای، سید شهید صدر، آیت الله سیستانی، آیت الله بهجتی و دیگرلرینی قمه وورماغی حرام سایدیق‌لارینا و وحدت چاغریشی ائتدیك‌لرینه گؤره تحقیر ائتدی.

بو جور كاناللار ایله مبارزه آپارماق و غرب سیاستینی بو یؤنمده ضررسیزلش‌دیرمك اوچون مسلمانلارین بیرلیگینی و مذهب‌لرین یاخینلاشماسینی تأمین ائتمك اوچون "تقریب" پئیك كانا‌لی‌نین تأسیس ائدیلمه‌سی ضروری‌دیر.

امام حسنین (ع) صلحه مجبور اولماسی

نهج البلاغه مكتوبلار 5

 5-جی مكتوب

امام علی علیه السلامین اشعث ابن قیسه (-اونون باره‌سینده 19-جو خطبه‌‌‌نین شرحینده بیر آز دانیشیلیب) مكتوبلارینداندیر. او، (عثمان طرفیندن) آذربایجانین حاكمی ایدی:

سنین ایشین (و حاكملیگین) سنین اوچون روزی و یئمك دئییل. (سنی اونا گؤره حاكم ائتمه‌ییبلر كی، بیر شئی تاپان كیمی اوندان اؤز باشینا یئیه‌سن.) او ایش سنین بوینوندا اولان بیر امانتدیر (كی، قورویاراق اونون یولوندا، دینین حكملرینه ضد بیر آددیم آتمامالیسان). سندن اؤزوندن اوستون اولان كیمسه اوچون گؤزتچی اولماغینی ایسته‌ییبلر. (سن ائله بیر امیرین الی آلتینداسان كی، سنی گؤزتچی تعیین ائدیب و سنه ولایتی اونون طرفیندن قوروماغی تاپشیریب. بونا گؤره ده) رعیتین ایشینده اؤز ایسته‌دیگین كیمی داورانا بیلمزسن. (سنه امر ائدیلمه‌میش بیر ایش گؤره بیلمزسن.) سنه امر و فرمان گلمه‌یینجه بؤیوك ایشه گیریشه بیلمزسن. سنین اللرینده بنزرسیز و بؤیوك الله‌ین ماللاریندان وار. سن اونلاری منه تحویل وئرَنه كیمی منیم خزینه‌دارلاریمدان بیریسن. اومیدوارام كی، من سنین اوچون والی و امیرلرین ان پیسی اولماییم. (بو حكمون سنین دنیا و آخرتینه ده خیری وار.) سلاما لایق كیمسه‌یه سلام اولسون!

و من كتاب له علیه السلام إلى أشعث بن قیس و هو عامل اذربیجان

وَ إِنَّ عَمَلَكَ لَیْسَ لَكَ بِطُعْمَةٍ وَ لَكِنَّهُ فِی عُنُقِكَ أَمَانَةٌ وَ أَنْتَ مُسْتَرْعًى لِمَنْ فَوْقَكَ لَیْسَ لَكَ أَنْ تَفْتَاتَ فِی رَعِیَّةٍ وَ لَا تُخَاطِرَ إِلَّا بِوَثِیقَةٍ وَ فِی یَدَیْكَ مَالٌ مِنْ مَالِ اللَّهِ عَزَّ وَ جَلَّ وَ أَنْتَ مِنْ خُزَّانِهِ حَتَّى تُسَلِّمَهُ إِلَیَّ وَ لَعَلِّی أَلَّا أَكُونَ شَرَّ وُلَاتِكَ لَكَ وَ السَّلَامُ