هر بیریمیزین اهمیّتی وار ! * لكلاً منا أهمیته !
یازار : میرزه عبدالصمد ملکی | بؤلوم : حكایه لر
+0 به یه ن
 |
||
|
الین بئش بارماغی آراسیندا ایختیلاف دوشور . . . اونلارین هر بیری ایستیر آن بؤیوك اولسون . . . باش بارماق دوروب دئییر: «بو ایشین بحثه احتیاجی یوخدور. من ایسته‌سم سیزدن آیریلام, سیز بوتونلوكده بیر كفه‌یه بنزیرسیز و من تكلیكده بیر آیری كفه‌یه بنزیرم. سیز نؤكرسیز و منه یاخینلاشا بیلمزسیز . . .من سیزین آغازام, البته من بارماقلارین ان بؤیوگویم . . .» ایشاره بارماق مسخره ایله دئییر: «ریاست یئكه‌لیكله اولسایدی, اوندا فیل اینسانا موسلّط اولاردی و اونلارین بؤیوگو حسابلاناردی. البته من ایشاره بارماغی‌یام. ائله بارماق كی منیمله امر و نهی اولار. رئیس بیر شئیه ایشاره ائدنده و یا بیر ایشه امر ائدنده منی ایشلدر. پس من رئیسلیگه داها موناسیبم . . .» اورتا بارماق گولوب دئییر: «منیم حضورومدا نئجه ریاست اوچون موباحیثه ائدیرسیز؟ بیر حالدا كی من هامیدان اوزونام. منیم یانیمدا كوله‌لر كیمی دایانیبسیز. لازیم دئییل كی سیزین منه احتیرام قویماغیز اوچون سیزدن خضوع ایسته‌یم. چونكی منیم داعوایا احتیاجیم یوخدور . . .» نیشان بارماغی هیجانلا دئییر: «قارداشلار منیم یئریم هارادیر؟ باخین گؤرون اوزوك, بارماقلار سولطانی و اونلارین موسلّم آغاسی یعنی منده پاریلدیر!» نهایتده جیله بارماق دانیشماغا باشلایاندا هامیسی تعجوبله ساكیت دایاندیلار . . بو كیچیك بارماق نه دئدی؟ جیله بارماق دئدی: «قارداشلاریم منه قولاق آسین! من باش بارماق كیمی بؤیوك دئییلم بلكه هامیزدان بالاجایام . . . و ایشاره بارماغی كیمی امر نهی ائله‌میرم . . .اورتا بارماق كیمی اوزون دئییلم بلكه هامیزدان كوله‌یم . . . نیشان بارماغی كیمی نیشان اوزوگونون ایفتیخارینا ناییل اولمامیشام . . . من هامیزدان كیچیگم, هامیز خیر ایش اوچون بیرلشنده, منده موستقر اولورسوز, و من هامیزی داشی‌ییرام . . .» بو زمان هامیسی بیلدیلر كی آیریلارینا كؤمك ائدیب اونلارلا قالان كیمسه, هامیدان اوستوندور و احتیراما لاییقدیر.
لكلاً منا أهمیته ! حدث خلاف بین اصابع الید الخمسه... كل واحد یرید ان یكون الاعظم...... فوقف الابهام لیعلن :: ان الامر لا یحتاج الى بحث ,فانى اكاد ان اكون منفصلا عنكم ,وكانكم جمیعا تمثلون كفه ,وانا بمفردى امثل كفه اخرى انكم عبید لا تقدرون ان تقتربوا الى......انا سیدكم ,انى اضخم الاصابع واعظمها... فى سخریه انبرى السبابه یقول : لو ان الرئاسه بالحجم لتسلط الفیل على بنى ادم ,وحسب اعظم منهم ,انى انا السبابه ,الإصبع الذى ینهى ویأمر ,عندما یشیر الرئیس الى شىء او یعلن امرا یستخدمنى .فأنا اولى بالرئاسه ... ضحك الاصبع الوسطى وهو یقول : كیف تتشاحنان على الرئاسه فى حضرتى ,وانا اطول الكل . تقفون بجوارى كالاقزام ,فانه لا حاجه لى ان اطلب منكم الخضوع لزعامتى, فان هذا لا یحتاج الى جدال ... تحمس الخنصر قائلا :: این مكانى یا اخوه ؟ انظروا فان بریق الخاتم یلمع فى انى ملك الاصابع وسیدهم بلا منازع .. اخیرا اذ بدأ الخنصر یتكلم صمت الكل وفى دهشه.. ماذا یقول هذا الاصبع الصغیر؟ الخنصر لقد قال : اسمعونى یا اخوتى انى لست ضخما مثل الابهام بل ارفعكم.. ولست اعطى امرا او نهیا مثل السبابه .. ولست طویلا مثل الاصبع الوسطى بل اقصركم .. ولم انل شرف خاتم الزواج مثل البنصر .. انا اصغركم جمیعا ,متى اجتمعتم فى خدمه نافعه ، تستندون علی, فأحملكم جمیعا... ((عند ذلك ادرك الجمیع ان من یساعد الغیر ویقف معهم هو اكثر من یكسب الزیاده ویستحق الاحترام )) |
||
زلزله
یازار : میرزه عبدالصمد ملکی | بؤلوم : اجتماعی
+0 به یه ن
|
||
|
مامان، عئینالی داغلارینی گؤرسدیب، دئدی: او داغلارین دالیسیندا بیر یئردی اوغلوم. - آدی نیه قرهداغ دی؟ حتماً رنگی قره بیر داغدی؟ - یوخ. قره رنگلی بیر داغ دئییل. آمّا نیه اوجور دئییرلر بیلمیرم. بابا گلنده اونا سوروشارسان. جوغرافی كیتابیمیزداكی مملكتیمیزین نقشه‌سی یادیما دوشدو. مامانیمدان، ائوه گئدیب كیتابی گتیرمك اوچون اجازه ایسته‌دیم. اوّل اجازه وئرمه‌دی. سونرا بعضیلری‌نین ائولرینه گئدیب, گلدیكرینی گؤرندن سونرا، بیرلیكده گئتدیك. ائودن بیر پالاز و ایكی- اوچ دنه پتو و نقشه‌لری گؤتوروب، پاركا دؤندوك. من تئز آچیب باخدیم نقشه‌یه. قرهداغ آدیندا بیر یئر یوخ ایدی. سوروشدوم: «آنا، قرهداغ ایراندا دئییل؟» - ایراندادی منیم بالام. اهر طرفلرینده اولمالیدی. - آخی نقشه‌ده یوخدی! - او نقشه كیچیكدی. بؤیوك نقشه‌یه باخ. بؤیوك نقشه‌یه باخدیم. بیر سورو آد وارییدی. - آنا بو قدر آدین ایچیندن نئجه تاپیم قره‌داغی؟ سن منه كمك ائله دا! - آذربایجان منطقه‌سینه باخ اوغلوم. اهر شهری، تبریزین شیمالیندا اولمالیدی. تاپدیم. ورزقان‌دا اونون یاخینیندایدی. ایكی سیده تبریزه چوخ یاخین ایدیلر. - آمّا بوردا قرهداغ یازمییب كی آنا. مامانیم دا گلیب باخدی. آما دییه‌سن عیلّتینی او دا بیلمیردی. - بوردا هامی جان هاییندادی. سن‌ده قره‌داغی آختاریرسان؟ آخی بس سنین هئچ عقلین یوخدو؟! بابامین ایشدن تئز گلمه‌سی منیم اوچون یاخشی اولدو. تیلیفونلارین‌دا ایشدن دوشدویو اوچون بیزدن نیگاران اولوب، تئز گلمیشدی. گلدیگی سورعته گؤره، تئز بیر آز اطلاعات آلمالی‌ایدی عمومی وضعیتیمیزدن. یاخشی كی بونا متوجه اولوب، قره‌داغین یئرینی و معناسینی سوروشماق اوچون بیر آز گؤزله‌دیم. یوخسا بابام‌دا مامانیم كیمی، او شرایطده ترسه بیر جواب وئرردی. بابام او اطرافداكی تانیش و فامیللرله‌ده دانیشدی. داییم گیلده اوردایدیلار. چادیر قوروردولار. اونلارین یانینا گئتدیك. بیر آز داییما كؤمك ائدندن سونرا بابام دئدی: «یاشار، ائوه گئدیب، چادیری گتیره‌جگم. منله گلیرسن؟» - گلیرم بابا. گئدیب، ائودن چادیری گتیردیك. پاركداكیلارین بعضیسی‌نین قورخمادان ائولرینه دؤندویو، منه عجیب گلمیشدی. چادیری قوراركن بابامدان سوروشدوم: «بابا بونلار نئجه ائولرینه گئدیرلر؟» - اصلینده اونلار دوز ایش گؤرورلر. چونكو زلزله‌نین سونراسی گلن پس لرزه‌لر، زلزله‌نین اؤزوندن خفیف اولار. - بس بیز نیه ائشیكده چادیر قوروروق؟ بابام الینی باشیما چكیب دئدی: «اوغلوم، تلسمه، هر شئیی اؤرگشمك و بیلمك گؤزل بیر شئیدی. آمّا اؤرگشمك فقط سوروشماغینان اولماز. بیر ده فیكیرلشیب تاپماق یولو وار. مثلاً ایندی فیكیرلش گؤرَك، بوگون 21 مُرداد، بیر یای گئجه‌سی، بیز نییه ائشیكده چادیر قورابیلریك؟!» بو سؤزدن‌ده ائله بیر شئی باشا دوشمه‌دیم. حتماً گینه‌ده تلسیردیم! بابامین باشی بو ایشلردن آییلاندان سونرا قره‌داغین معناسینی و یئرینی سوروشدوم. تاپا بیلمه‌میشدیم. - قره‌داغین معناسینی بیلمیرم. قدیم زامانلار، آتالاریمیز «قره» (قارا) و «قاراجا» (قراجه) كلمه‌لرینی «بؤیوك» معناسیندا دا ایشله‌درمیشلر. اونا گؤره‌ده قرهداغ، احتمالاً بؤیوك داغ یا دا داغلیق منطقه معناسیندا اولا بیلر. یئری‌ده اهر- ورزقان طرفلرینده‌دی. - بابا، نقشه‌ده یوخدو آخی. نقشه‌یه باخمادان دئدی: «خوجا، اهر، خاروانا و كلیبر آراسینداكی منطقه‌یه قرهداغ دییَرلر.» بابامین دئدیگی شهرلری دوز خطله بیر-بیرنه باغلادیم و اورتاسیندا قالان یئره قرهداغ یازدیم. بابام بو ایشیمی گؤرنده گولوب، دئدی: «بو آددا ایراندا و دونیادا چوخ یئرلر وار. هئچ بیلیرسن بو آددا بیر دنه ده مملكت وار؟» - یوخدو بابا، بیلیرسن كی منیم جوغرافیم یاخشیدی. قرهداغ آددا بیر مملكت گؤرمه‌میشم. - صیربیستان هاردادی؟ - بیلیرم. یونانین شیمالیندادی. مجارستانینان دا قونشودی. - منیم دئدیگیم قرهداغ، بو صیربیستاندان تازا آیریلیب. قدیم او منطقه‌نین بوتونو، عوثمانلی توركلری‌نین الینده ایدی. اونا گؤره‌ده ایندی اورداكی اؤلكه‌لرده موسلمان وار. او زامان، بو موسلمانلار اورداكی بیر منطقه‌یه «قره داغ» آدی وئردیلر. بو قرهداغ ایندیكی همان «مونته نگرو»دی. - هه مونته نگرونو اوخوموشام. - مونته نگرونون معناسی قره‌داغدی. بابام بو ایطّیلاعاتین منیم اوچون جالیب اولدوغونو بیلیردی. آخی بابام موعلّیم ایدی و منی اؤز دئدیگینه گؤره «نه فقط بیر ساده باخان، بلكه یاخشی گؤره بیلن» كیمی بؤیوتمگه چالیشمیشدی. - من ایندی بیر شئیلر گؤتوروب، قره‌داغا گئتمك ایسته‌ییرم. منله گلیرسن اوغلوم؟ البته كی گئدیردیم. مامان‌دا راضییدی. مامان و ائلای, داییم گیلین یانیندا قالدیلار. بیز ده بیر ایكی دنه پالاز- مالاز، یئمه‌لی، قورو سوت، اوشاق‌بئزی كیمی بیر شئیلر آلیب، بابامین ماشینیله یولا دوشدوك. خوجانی كئچندن سونرا كندلرده ییخیلمیش ائولری گؤردوك. كندلیلر ییخیق ائولری قازیردیلار. چوخو آغلاشیردی. بابام ساكیت ایدی. ائشیتدیك كی اوستاندار دا گلیبدی. بیز وساییلیمیزی نئچه نفره وئرندن سونرا قاییتدیق. گئجه یاریسی پاركداكی چادیریمیزدایدیق. رسول داغسر |
||
چیلله بایرامیز موبارك اولسون
یازار : میرزه عبدالصمد ملکی | بؤلوم : اجتماعی
+0 به یه ن
|
||
 نه گؤزلـدیـــر ائـلـیـمیــــزیــن قــایـــدالاری چیلله‌سی وار، چرشنبه‌سی، ایل بایرامی بیزیــم ائلــده هر بیـر زادیــن اؤز یئـری وار چونكــو اونـون یئددی میـن ایل تاریخــی وار Nə gözəldir Elimizin qaydaları Çilləsi var, çərşənbəsi, il bayramı Bizim eldə hər bir zadın öz yeri var Çünkü onun yeddi min illik tarixi var |
||
حضرت رقیه(س)
یازار : میرزه عبدالصمد ملکی | بؤلوم : دین
+0 به یه ن
|
||
|
ایمام حس بو كیچیك اوشاغین «شام» شهرینده قویلانماسی, طهارت خانیدانی‌نین اسارتی و اونلارا ظولم اولماسینا مؤحكم ثبوتدور. حضرت رقیه بنت الحسین علیهما السلامین ایندیكی مزاری شام شهرینده اوّلدن مشهوردور, دئیه‌سن حضرت ایمام حسین (ع) شامدا اؤزوندن بیر یادیگار قویوب كی صاباح بیری چیخیب طهارت خانیدانی‌نین اسارتینی و اونا مربوط حادیثه‌لری اینكار ائله‌‌مه‌سین, بو كیچیك قیز, اسیرلر آراسیندا كیچیك قیزلارین اولماسینا, بؤیوك ثبوت ساییلیر. بو كیچیك اوشاغین «شام» شهرینده قویلانماسی, طهارت خانیدانی‌نین اسارتی و اونلارا ظولم اولماسینا مؤحكم ثبوتدور. ائله بیر ظولم كی آدمدن خاتمه قدر بوتون پیغمبرلر اونا آغلاییبلار. اوراجن كی آللاه تعالا حسینین عزاسینی حضرت آدمه اوخودو. بو اوزدن بو یئرین احتیرامی لازیمیدر. اویدورما سؤزلر وار كی دئییر: «رقیه سلام‌الله علیها بالاجا بیر اوشاقدان آرتیق دئییلدی.» مگر حضرت علی اصغر كیچیك اوشاق دئییلدی و او حضرت قیامت گونو شاهید اولاجاق و شیعه‌لرین گوناهلاری‌نین باغیشلانماسینا سبب اولاجاق؟ ان شاء الله تعالى بیز ایمام حسینین قیزینی زیارت ائله‌مكله آللاها یاخینلاشیریق, او قیز كی مظلوم ایدی و خانیدانی‌نین هامیسی مظلومیدی. |
||
یئركؤكو یئمك سوموك سینما‌نین قاباغین آلار
یازار : میرزه عبدالصمد ملکی | بؤلوم : ساغلاملیق
+0 به یه ن
|
||
|
سنگاپورلی موحقی Osteoporosis International مجله‌سی‌نین یازدیغینا گؤره, سنگاپور دانیشگاهی‌نین بهداشت ویزارتی موحقیقلری بیر تحقیقده, كارتنویید عاییله‌سیندن اولان ساری میوه و گؤیلر, باره‌سینده تازا بیلگیلر تاپیبلار. كارتنوییدلر یاغدا حل اولان طبیعی رنگ‌وئرنلردیلر كی چوخراق بیتكیلرده, یوسونلاردا و فتوسنتز ائدن باكتریلرده اولارلار. كارتونییدلر میوه‌لر, گوللر و یارپاقلاردا ساری, قیرمیزی و نارینجی رنگلرین عامیلیدیلر. بو تحقیق گؤرسدیر كی یئركؤكویه تای بتاكاروتنلی میوه و گؤیلری یئمك –كی بدنده A ویتامینینه تبدیل اولور- آریق كیشیلرده اومبا سومویونون سینماسی‌نین قاباغین آلیر و بو بیر حالدادیر كی همن میوه و گؤیلرین خانیملاردا بو تأثیری اولمور. بدنده بتاكاروتن ذخیره‌سی كیفایت قدر اولماسا, مودافیعه سیستمی ضعیفلر و ناخوشلوقلارین قاباغین آلا بیلمز و بئله‌لیكله بدن جور به جور عفونتلر معرضینده اولا بیلر. توت ساری, نارینجی و قیرمیزی اولان میوه و گؤیلرده بتاكاروتن چوخ اولار و اوندان علاوه یاغ و كالوریلری آز اولار. میوه و گؤیون نه قدر قیرمیزی, نارینجی و ساری رنگی توت اولسا, اونون بتاكاروتنی داها چوخدور. |
||
